ХАМАС сёння вызваліў 20 ізраільскіх закладнікаў. Яны былі ў палоне з 7 кастрычніка 2023 года.
У выніку мірнага пагаднення, заключанага пры ўдзеле міжнародных пасярэднікаў, групоўка ХАМАС вызваліла ўсіх 20 ізраільскіх закладнікаў, якія на працягу двух гадоў знаходзіліся ў палоне ў сектары Газа.
Гэты крок стаў цэнтральным пунктам дамовы, якая адкрывае шлях да спынення вайны, што пачалася пасля атакі на Ізраіль у кастрычніку 2023 года.
Да моманту перамір’я ў палоне заставаліся 48 чалавек. Жывымі да гэтага часу былі 20, і цяпер усе яны вернуты дадому. Ізраіль таксама атрымае целы загінулых закладнікаў.
У адказ Ізраіль вызваліў 1966 палестынскіх зняволеных. Жыхары Газы, многія з якіх былі вымушаныя пакінуць свае дамы, цяпер вяртаюцца. У сектар паступае гуманітарная дапамога.
У панядзелак раніцай у Ізраіль прыбыў прэзідэнт ЗША Дональд Трамп, які адыграў важную ролю ў дасягненні пагаднення.
Таксама ў егіпецкім Шарм-эль-Шэйху сёння адбудзецца мірны саміт з удзелам Трампа.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў46
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары