Такарчук: Ціханоўскі папрасіў мяне не гаварыць пра яго на маім канале
Пасля відэа з крытыкай Сяргея Ціханоўскага, па словах блогеркі, яна атрымала ад яго толькі адно пасланне.
Блогерка і былая палітзняволеная Вольга Такарчук у ліпені рэзка выказалася пра дзеянні Сяргея Ціханоўскага ў звароце на сваім ютуб-канале. Цяпер яна расказала, якую рэакцыю атрымала ад яго каманды.
«Я не спадзявалася быць пачутай. (…) І вельмі шкада, што тады (пасля вызвалення і дэпартацыі. — НН) Сяргей не паслухаў людзей, якія былі побач і насамрэч жадалі яму добрага, жадалі яму не страціць свой твар перад беларусамі, не страціць сябе. Паглядзець навіны, пачытаць, што адбывалася за тыя пяць гадоў, якіх яго не было.
Але адно пасланне Сяргей мне перадаў. Ён папрасіў мяне не гаварыць пра яго на маім канале. (…) Інакш я не буду працаваць на ягоным канале».
Такарчук тлумачыць, што свядома не спяшалася з публікацыяй новага відэа. Яна хацела выканаць абавязацельствы перад камандай праекта «Вечаровы кефір», які вяла на канале «Страна для жизни». Цяпер, калі праект скончаны, яна рашыла выказацца.
Такарчук дадала:
«Каб вы ўсе разумелі, я прыйшла ў «Вечаровы кефір» на ягоны канал, калі Сяргей яшчэ сядзеў. Фінансаванне выдзяляў не Сяргей. І за выпускі плаціў нам таксама не Сяргей. І на маім канале мне ніхто не асмеліцца закрываць рот».
Такарчук выліла вядро ледзяной вады на Ціханоўскага: Апусці сябе да ўзроўню людзей!
«Я дзейнічаў паспешліва і дапусціў некалькі памылак». Сяргей Ціханоўскі запісаў відэа пра 100 дзён на волі
«Мой тата не вытрымаў бы Акрэсціна». Вольга Такарчук расказала пра арышт у 2021-м, Валадарку, калонію, паўторнае затрыманне і вымушаныя ўцёкі з сям'ёй у 2024-м
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары14
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
Мяне здзіўляе, як Сяргей дазваляе такім асобам карыстацца яго каналам.
Ці Такарчук і ко адабралі яго канал і не аддаюць яму?
Адбыўся рэйдарскі захоп канала Ціханоўскага групай асобаў?
На ўсіх застаўках канала... твар Лукашэнкі. Брыдка глядзець. Як быццам здзек. Быццам Лукашэнка захапіў інфапавестку на канале, пакуль Сяргей пакутваў у турме.
Ці пра такое ён марыў за кратамі, што сустрэне ў дызайне свайго канала не свабодную Беларусь і свабодных беларусаў, а ... рожу Лукашэнкі. Сотні рож Лукашэнкі.