У мінулыя выходныя жыхары дачнага пасёлка пад Брэстам раптам пранікліся навагоднім настроем: у адным з прыватных двароў з дапамогай крана ўпрыгожвалі велізарную ёлку.
Аўтарка роліка Наталля падпісала яго так: «Не… ну як бы ўжо і так, хоць 27 верасня ўсяго». На кадрах — неймавернай вышыні ёлка, упрыгожаная зверху да нізу тысячамі агеньчыкаў.
Некаторыя каментатары, відаць, так пранікліся тэмай, што пачалі пісаць віншаванні з Новым годам і жартаваць (ці не) пра тое, што збіраюцца ў краму па мандарыны.
Журналісты Onliner.by звязаліся з Міхаілам, які ствараў гэтую навагоднюю атмасферу, і даведаліся падрабязнасці. Паводле яго слоў, прыватную ёлку такой вышыні яго кампанія ўпрыгожвала ўпершыню, хаця працуе ў гэтай сферы ўжо шмат гадоў.
— На ўсё ў нас пайшло шэсць дзён з улікам падрыхтоўкі. Гаспадар дома вырашыў упрыгожыць дрэва загадзя — і гэта правільна, бо зімой зрабіць гэта было б праблематычна з-за плыні заказаў і халоднага надвор’я.
Паводле суразмоўцы, на ёлку вышынёй у 24 метры пайшло 2 тысячы метраў гірлянды і 20 тысяч лямпачак. Каб яе ўпрыгожыць, прыйшлося задзейнічаць вышку і трох чалавек, уключаючы прафесійнага альпініста. Праца кіпела тры дні — з 26 па 28 верасня.
Ролік з канчатковым вынікам зняла калега Міхаіла і выклала ў TikTok. Вось яскравыя каментары, што пакінулі пад відэа:
- «Я была гатовая дома ў жніўні паставіць ёлку, каб падняць настрой».
- «Проста шок. Думала, з кастрычніка пачну ўпрыгожваць ёлку… Апярэдзілі!»
- «Гэта называецца: калі хачу — тады і свята».
- «Дайце хаця б кавуны даесці».
- «Неее, хлопцы, ранавата як бы».
- «Ну што, з Новым годам, дамы і спадары!»
- «Я ёлку заўсёды стаўлю 1 лістапада, і мне ўсё роўна, хто што пра гэта думае. Малайчына чалавек, адразу ўсім настрой стварыў».
- «Абажаю такіх людзей!»
- «Таксама ўжо збіраюся даставаць ёлку, хоць прыбрала толькі ў маі».
- «Так лету ж не было, якая ўжо розніца, калі Новы год».
- «Пайшоў па мандарыны».
Цяпер чытаюць
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ18
Беларус, які ваяваў за Украіну, распавёў, чым яго зачаравала каханка Іна Кардаш, агентка КДБ
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3030
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»30
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары
Лучше уж поставить ёлку чем сидеть по три дня в автобусе на границе ...