Расійскія войскі ноччу масава атакавалі Кіеў дронамі і ракетамі розных тыпаў. Найбольшыя разбурэнні — у Дарніцкім раёне, там вораг трапіў у пад'езд жылога пяціпавярховіка, паведамляе РБК-Украіна.
Усяго ў горадзе фіксуюць наступствы ў Дарніцкім, Дняпроўскім, Саламянскім, Шаўчэнкаўскім, Галасееўскім, Абалонскім і Дзяснянскім раёнах.
Аднак менавіта ў Дняпроўскім і Дарніцкім раёнах — значныя пашкоджанні ў жылой забудове. У апошнім расіяне прамым трапляннем знішчылі частку пяціпавярховага дома. На месцы працягваецца выратавальная аперацыя. Трох чалавек удалося дастаць з-пад завалаў. Па апошніх даных, 12счалавек загінулі, сярод іх трое дзяцей, 48 параненыя.
Таксама ў гэтым раёне пашкоджаныя іншыя жылыя дамы. У прыватнасці, асколкі БПЛА ўпалі на дах 9-павярховага дома. Узнікла ўзгаранне. Пашкоджаны таксама 16-павярховы жылы дом, прыватны дом, парковачнае месца, дзіцячы садок.
Цяпер чытаюць
«Не веру, што гэта піша яна». Таццяна Мартынава сцвярджае, што Карпушонак таксама знікла15
Каментары