У Гомелі махляры вымагаюць грошы, выкарыстоўваючы ўліковыя запісы ICloud
Нестандартную схему махляртва ў горадзе заўважыла міліцыя.
Па інфармацыі міліцыі, махляры працуюць на тэрыторыі Цэнтральнага раёна Гомеля. Яны знаёмяцца з людзьмі праз сацсеткі, уваходзяць у давер і просяць пацярпелых выйсці са свайго ICloud і зайсці ў іх. Адбываецца гэта па розных падставах.
Калі пацярпелы заходзіць у чужы ўліковы запіс, тэлефон блакуецца, а махляр пачынае патрабаваць грошы за аднаўленне акаўнта.
Пасля атрымання сродкаў, махляр перастае выходзіць на сувязь ці наадварот, патрабуе яшчэ больш грошай.
Намеснік начальніка АУС адміністрацыі Цэнтральнага раёна Гомеля, начальнік крымінальнай міліцыі Аляксей Няшыты расказаў, што ў ліпені да іх звярнуўся хлопец, які пазнаёміўся ў тэлеграме з дзяўчынай. Яна папрасіла яго ўвайсці ў яе ICloud і пераслаць фота курсавой працы, якія там былі.
Калі ён увайшоў, тэлефон заблакаваўся і быў пазначаны як згублены. Праз некаторы час хлопцу напісала тая дзяўчына і папрасіла за разблакіроўку тэлефона грошы.
Каментары