Расійская альпіністка, якая тыдзень была на вышыні 7000 метраў са зламанай нагой і без ежы, загінула
Жанчыну не маглі выратаваць з-за ўмоў надвор'я. Іншы альпініст, які хацеў ёй дапамагчы, таксама загінуў.
Расійская альпіністка Наталля Нагавіцына, якая захрасла на самай высокай кропцы Цянь-Шаня ў Кыргызстане, загінула. Пра гэта паведамляе тэлеграм-канал Shot.
Яе цела змогуць забраць з 7 тысяч метраў, толькі калі нармалізуюцца ўмовы надвор'я, каб падняць верталёт на вышыню. Таксама выратавальная група, якая павінна была забраць цела італьянца, які спрабаваў выратаваць расіянку, адкліканая з вышыні 4,5 тысячы метраў.
Альпіністка 11 дзён знаходзілася пры тэмпературы мінус 26 без ежы і вады пад скалой «Птушка». У яе была з сабой толькі гарэлка, спальны мяшок і парваная палатка.
«Група Наташы (яна і 3 мужчыны) паднялася на вяршыню, пры спуску сарваўся ўдзельнік і пацягнуў Наташу з далейшым пераломам яе нагі. Наташы паставілі палатку на 7200, і знясіленыя, змёрзлыя ўдзельнікі адправіліся ўніз», — паведаміў удзельнік экспедыцыі.
Наталля Нагавіцына загінула практычна на той жа вышыні, дзе чатыры гады таму памёр яе муж. На піку Хан-Тэнгры мужчыну паралізавала, і яна заставалася з ім да апошняга. А калі іх прыйшлі вызваляць ратавальнікі, змаглі эвакуіраваць толькі жанчыну. Выратаваць мужа не ўдалося.
Пазней Наталля зноў паднялася на пік Хан-Тэнгры і ўстанавіла там памятную шыльду.
З пачатку жніўня ў гарах Кыргызстана загінулі трое замежнікаў, яшчэ некалькі чалавек атрымалі цяжкія траўмы.
-
«Сядзець на вяршыні гары ў Швейцарыі і піць да страты пульсу». Рутэ расказаў пра іх з Зяленскім планы на пасля вайны
-
Сярод забітых у Кракаве — двое замежнікаў. Грамадзянства адной ахвяры пакуль не называюць
-
Вэнс пачаў дыстанцыявацца ад Трампа пасля паразы рэспубліканцаў на выбарах і прасоўвае ўласны брэнд з прыцэлам на 2028 год
Цяпер чытаюць
У Быхаве паставілі выродлівы помнік жанчыне. Разам са скульптурай у Касцюковічах ён можа стаць сімвалам культурнай дэградацыі Беларусі пры Лукашэнку46
Каментары