Сустрэча Уладзіміра Зяленскага з Кітам Келагам адбылася напярэдадні перамоў украінскага прэзідэнта з Трампам.
Зяленскі і Келаг у Вашынгтоне 18 жніўня 2025 года. Фота: прэс-служба Уладзіміра Зяленскага
Пра вынікі сустрэчы са спецпрадстаўніком Трампа па Украіне Кітам Келагам паведаміла прэс-служба Уладзіміра Зяленскага.
«Абмеркавалі сітуацыю на полі бою, нашы моцныя дыпламатычныя магчымасці — Украіны і ўсёй Еўропы разам з Амерыкай. Расію можна прымусіць да міру толькі дзякуючы сіле, і прэзідэнт Трамп валодае такой сілай», — сказана ў канале Зяленскага.
Перамовы Трампа і Зяленскага запланаваны на вечар 18 жніўня. Пасля прэзідэнты сустрэнуцца з лідарамі краін ЕС.
Адзначаецца, што сёння Трамп упершыню прыме ў сябе столькі еўрапейскіх лідараў.
Каментары