Адзін з самых стабільных ледавікоў свету пачаў раставаць з рэкорднай хуткасцю
Адзін з самых вядомых і раней стабільных ледавікоў свету — Перыта-Марэна ў Патагоніі — пачаў імкліва раставаць, дэманструючы рэкордную хуткасць за апошняе стагоддзе.
Паводле даследавання, апублікаванага ў часопісе Communications Earth & Environment, ледавік, які ўваходзіць у Спіс сусветнай спадчыны ЮНЕСКА з 1981 года і штогод прыцягвае сотні тысяч турыстаў, страчвае кантакт з цвёрдай пародай пад сабой.
Гэта прыводзіць да хутчэйшага раставання і адступлення лёду. Навукоўцы прагназуюць, што ў найбліжэйшыя гады ён можа адступіць яшчэ на некалькі кіламетраў.
Аўтар даследавання Морыц Кох з універсітэта Фрыдрыха-Аляксандра ў Германіі адзначае, што ледавік ужо больш за дзесяць гадоў знаходзіцца ў нестабільным кліматычным стане і паступова адрываецца ад цэнтральнага «пункту фіксацыі».
Каманда даследчыкаў вымярала таўшчыню лёду пры дапамозе радара пад верталётам, санару на возеры і спадарожнікавых здымкаў.
Навукоўцы папярэджваюць, што раставанне ледавікоў, асабліва ў палярных зонах, можа прывесці да небяспечнага павышэння ўзроўню сусветнага акіяну, пагражаючы жыццю і жыллю жыхароў прыбярэжных і астраўных рэгіёнаў. Даследаванні такіх ледавікоў, як Перыта-Марэна, дапамагаюць зразумець будучыню гіганцкіх ледавіковых сістэм Антарктыды.
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца3
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары