Беларускі футбаліст: Адкрыты для прапановаў гуляць за зборную Польшчы
Беларускі паўабаронца «Медзі» (другі польскі дывізіён) Глеб Кучка падзяліўся меркаваннем пра магчымасць выступлення за зборную Польшчы.
Глеб ужо паўгода з’яўляецца грамадзянінам Польшчы і спадзяецца, што, рэгулярна гуляючы за «Медзь», атрымаць магчымасць трапіць у маладзёжную зборную Польшчы, піша football.by.
«Трэнер зборнай U-20 ужо цікавіўся мной. Ён спытаў, ці не хачу я гуляць за Польшчу. Раней я гуляў за маладзёжную зборную Беларусі, але адкрыты для прапановы выступаць за бела-чырвоных. Паглядзім, што з гэтага атрымаецца», — сказаў Глеб Кучка.
Глеб належыць клубу «Вісла» з Плоцка, што выйшла ў польскую экстракласу (вышэйшы дывізіён), але ў вышэйшым дывізіёне ён не згуляе, бо аддадзены ў арэнду ў «Медзь» з Д2.
У польскай экстракласе сёлета гуляюць два беларускія футбалісты: Ілля Шкурын («Легія») і Герман Баркоўскі («Пяст»), у другім дывізіёне — тры беларусы (Глеб Кучка («Медзь», Антон Чычкан («Вісла», Кракаў), Уладзіслаў Красоўскі («Сталь», Жэшуў), у трэцім дывізіёне — два, чацвёртым — восем.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах9
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары