Прэзідэнт ЗША Дональд Трамп, адказваючы на пытанне аб магчымым пераемніку, назваў найбольш імаверным віцэ-прэзідэнта ЗША Джэй Дзі Вэнса.
Журналісты папрасілі Трампа пракаментаваць словы дзяржсакратара Марка Рубіа, які назваў Вэнса выдатным кандыдатам на выбарах ад Рэспубліканскай партыі ў 2028 годзе.
«Відавочна, што яшчэ занадта рана пра гэта гаварыць, але ён робіць выдатную працу і, верагодна, з’яўляецца фаварытам на дадзены момант», — сказаў ён.
Кіраўнік ЗША дадаў, што Рубіа «магчыма, будзе дзейнічаць разам з Джэй Дзі ў нейкай форме».
Раней Трамп сказаў, што, імаверна, не пойдзе на трэці тэрмін.
Паводле 22-й папраўкі да Канстытуцыі ЗША, адзін чалавек можа быць прэзідэнтам не больш за два тэрміны. Цяпер Трамп кіруе сваю другую кадэнцыю, якая скончыцца ў 2029 годзе (першая была ў 2017—2021 гадах).
Наступныя прэзідэнцкія выбары ў ЗША пройдуць у лістападзе 2028 года, афіцыйны паўнамоцтвы дзейнага прэзідэнта скончацца 20 студзеня 2029 года.
Як раней паведамлялася, некаторыя прыхільнікі Трампа прапаноўвалі яму варыянты для трэцяга тэрміну — напрыклад, праз скасаванне папраўкі або вылучэнне ў віцэ-прэзідэнты з далейшым пераходам на пасаду прэзідэнта.
Яшчэ ў лістападзе мінулага года, за два месяцы да інаўгурацыі Трамп нібыта жартам заяўляў, што мог бы балатавацца і на трэці тэрмін.
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2525
Каментары