Колькі цяпер каштуе кава — молатая, у зернях і распушчальная? Некаторыя цэны здзіўляюць
Беларусы актыўна абмяркоўваюць падаражанне кавы — асобныя пакункі могуць каштаваць да 120-150 рублёў. Рост цэн выкліканы сусветным неўраджаем кававага зерня. Паглядзелі, як адрозніваюцца цэны на розныя тыпы кавы.
Молатая кава
Пачак молатай кавы 500 грамаў у «Е-дастаўцы» каштуе ад 27,79 да 54,08 рубля. Самы дарагі — нямецкі Dallmayr, які можна набыць за 51-54 рублі. Танней атрымліваецца таксама нямецкі Jacobs і італьянскі Merrild — 27-39 рублёў.
Такі ж Merrild у Green прадаецца па 35,96 рубля. Шведская молатая кава Lofbergs тут каштуе па 40 рублёў за 500 грамаў.
Кава ў зернях
Паўкілаграма кавы ў зернях у анлайн-краме «Еўраопта» каштуюць ад 38,55 да 60,55 рубля. Нямецкі Movenpick такім чынам можна набыць за 55 рублёў, а італьянскі Bristot, President ці Carraro Tazza D`oro — за 38-60 рублёў.
У Green 500 грамаў кавы ў зернях «Местное известное» можна набыць за 38-43 рублі. Той жа Movenpick тут каштуе па 50,88 рубля, а Dallmayr ці Jacobs можна набыць за 55-59 рублёў. На зніжцы зараз Lavazza Qualita Oro — пачак прадаецца за 66,89 рубля замест 119,99.
Таксама на зніжцы зараз кава ў зернях Barista ў краме «Капеечка» — там пачак 800 грамаў можна набыць за 50,99 рубля.
Распушчальная кава
Распушчальную каву ў «Е-дастаўцы» можна пабачыць толькі расійскую: 500 грамаў Nescafe ці Jacobs каштуюць па 47,99-56,99 рубля.
У Green 400 грамаў расійскага Jacobs абыдуцца ў 51,32 рубля, а 450 грамаў расійскага Nescafe — у 54,18 рубля.
Яшчэ адна зніжка ў «Капеечцы» на распушчальную каву Fresco — 23,29 рубля за 190 грамаў.
А як у суседзяў?
Падаражанне самага папулярнага пасля вады напою адбываецца па ўсім свеце — за апошні год сярэдні кошт яго павысіўся амаль удвая. На гэта ўплываюць перадусім змены ў клімаце і неўраджай зерня, а таксама пошліны на імпарт у Амерыку — краіну з самым высокім спажываннем кавы ў свеце.
У Літве 500 грамаў молатай кавы Dallmayr каштуюць каля 8-10 еўра (30-38 беларускіх рублёў). 100 грамаў распушчальнай кавы Jacobs там можна набыць за 8 еўра. Кілаграм Lavazza Qualita ў зернях — 21 еўра (79,7 беларускага рубля). Гэта цэны без зніжак — на акцыі (а яны ў крамах рэгулярна) кава каштуе амаль удвая танней.
У Польшчы пачак молатай кавы Jacobs 500 грамаў прадаюць па 36,35 злотага (32 беларускія рублі), Lavazza Qualita Oro у зернях — па 105 злотых (93,6 беларускага рубля) за кілаграм, а распушчальную Nescafe Classic — па 35 злотых (31 беларускі рубель) за 200 грамаў.
Цяпер чытаюць
Кіраўнік Ліды заклікаў сілавікоў не спыняць палітычных рэпрэсій21
Каментары
Цены на один и тот же кофе, более того, из одной и той же партии у разных крупных продавцов может сильно отличаться. В комментариях под статьёй, ссылка на которую дана в шапке, не успел упомянуть о том, что в сети «Остров чистоты и вкуса» кофе в зёрнах Lavazza Oro 250 г по 17,99, как он исчез, а на emall или 21vek цена такого же под 30 руб. Но у Острова хозяин из России, где кофе из-за высокой конкуренции стоит гораздо дешевле, чем в Беларуси. При этом можно уловить закономерность в том, что у одной площадки определённый кофе по бросовой цене, тогда как остальной по неадекватным ценам, а на другой другой, на третьей площадке третий и так далее, т.е. искусственно создаваемая видимость конкуренции, а по факту в Беларуси в разы дороже, чем у всех соседей.