Грамадства

«Кружляў над Гомелем паўтары гадзіны». Што паведамлялі людзі пра расійскія дроны, што заляцелі падчас начной атакі Украіны

Гамяльчане паведамлялі пра палёт расійскіх ударных дронаў над горадам ноччу 10 ліпеня, калі РФ здзейсніла чарговую масіраваную атаку шахедамі і ракетамі па некалькіх рэгіёнах Украіны, піша «Флагшток». Паводле папярэдніх падлікаў, на тэрыторыю Гомельскай вобласці з вечара 9 ліпеня заляцелі больш за 20 расійскіх БпЛА.

Першыя беспілотнікі на тэрыторыі Гомельскай вобласці з’явіліся ўжо ўвечары 9 ліпеня, калі расійская армія запусціла некалькі груп БпЛА з Бранскай вобласці. Як інфармаваў «Флагшток», над паўднёвымі ўскраінамі Гомеля пачалі чуць гук, падобны да гуку «мапеда», пасля поўначы.

Каля 01:26 прагрымеў глухі выбух на паўднёвы захад ад Гомеля — магчыма, гэта было збіццё або падзенне дрона з наступнай дэтанацыяй.

У чаце аднаго з гомельскіх тэлеграм-каналаў гамяльчане апісвалі тое, што адбываецца, у рэжыме рэальнага часу. Раніцай паведамленні былі выдаленыя.

Жыхары Гомеля паведамлялі, што чулі гук «мапеда» над Навабеліцкім, Сельмашаўскім і Волатаўскім мікрараёнамі. Відавочцы адзначалі няроўную працу рухавіка.

У каментарыях абмяркоўвалі колькасць БпЛА над горадам — некаторыя налічылі шэсць шахедаў, але гэта мог быць адзін і той жа дрон, які кружляў вакол Гомеля. У цэлым гук беспілотніка быў чутны ў абласным цэнтры цягам паўтары гадзіны.

На працягу таго ж часу жыхары Рэчыцы таксама чулі палёты БпЛА і сцвярджалі, што беспілотнікаў было як мінімум тры.

У цэлым, паводле папярэдніх падлікаў, на тэрыторыю Гомельскай вобласці з вечара 9 ліпеня заляталі больш за 20 расійскіх БпЛА. Пры гэтым вярнуліся ва Украіну толькі каля 5 дронаў, астатнія, верагодна, упалі або былі збітыя на тэрыторыі Беларусі. Першы ўвайшоў у паветраную прастору рэспублікі ў 20:18 9 ліпеня, апошні — у 02:03 10 ліпеня.

У апошні час залёты расійскіх дронаў на тэрыторыю Беларусі пачасціліся — у выніку павелічэння маштабаў атак.

Усяго, паводле паведамленняў украінскіх афіцыйных крыніц, у ноч на 10 ліпеня РФ атакавала Украіну больш чым 400 дронамі. Асноўнай мэтай быў Кіеў, дзе, паводле даных на раніцу, у 8 раёнах горада пацярпела жыллёвая, медыцынская, адукацыйная, гандлёвая і транспартная інфраструктура. Вядома пра двух загінулых мірных жыхароў.

Каментары

Цяпер чытаюць

«Губазікаўцы схіляюць Калеснікаву да высылкі, але яна не хоча»1

«Губазікаўцы схіляюць Калеснікаву да высылкі, але яна не хоча»

Усе навіны →
Усе навіны

На матч медыялігі ў Мінску прададзена 27 тысяч квіткоў2

Вядучая СТБ каталася на расійскіх нумарах, якія нехта прыляпіў на скотч — і не ведала пра гэта. Цуд растлумачылі ў 1024

Трупы хатніх жывёл пачалі знаходзіць у Мінску2

Выступ гурта «Тэхналогія», які планаваўся сёння ў Плешчаніцах, адменены3

Кучук: Я два разы плакаў у камеры наўзрыд, каб зняць псіхалагічную напругу

Ціханоўская ляціць у ЗША. Што там плануецца?13

У вёсцы пад Мінскам прадаюць катэдж з лазняй, падобнай на гасцінічны нумар1

У манастыр Наталля Пяткевіч падабрала да хустачкі французскае паліто18

У Падмаскоўі загінуў кіраўнік кампаніі-пастаўшчыка кампазітных матэрыялаў для МС-21 і паранены будаўнік касмічнага цэнтра, адкрытага Пуціным4

больш чытаных навін
больш лайканых навін

«Губазікаўцы схіляюць Калеснікаву да высылкі, але яна не хоча»1

«Губазікаўцы схіляюць Калеснікаву да высылкі, але яна не хоча»

Галоўнае
Усе навіны →

Заўвага:

 

 

 

 

Закрыць Паведаміць