Супрацоўнікі сталічнага наркакантролю затрымалі 23-гадовага расіяніна, які ўдзельнічаў у схеме дастаўкі асабліва небяспечных псіхатропаў, паведамляе прэс-служба МУС.
У арандаванай кватэры і зробленых ім закладках выяўлена і канфіскавана больш за 16 кг мефедрону і звыш 21 кг альфа-PVP.
Ён прызнаўся, што прыехаў у Мінск спецыяльна для арганізацыі збыту наркотыкаў на тэрыторыі Беларусі. Забіраў у іншага кур'ера пасылкі з краін ЕС з аптовымі партыямі «тавару», фасаваў яго і пакідаў у схованках.
Таксама аператыўнікі затрымалі мінчука і двух жыхароў Пастаў, якія павінны былі рабіць закладкі з разавымі дозамі.
Акрамя таго, у Расіі ліквідаваная наркалабараторыя. Яе арганізавалі трое замежнікаў. Канфіскаванае абсталяванне, прэкурсоры аб'ёмам 150 літраў, а таксама 7 кг мефедрону і больш за два — альфа-PVP.
Каментары
Дзля " ні зразумеўшых" стацця актыўнае мужэложства як пры камрадзе джугашвілі берыі якія іх парадзілі гадавалі