У Астраўцы затрымалі мужчыну, які дапамагаў махлярам маршрутызаваць званкі
Супрацоўнікі ўпраўлення па супрацьдзеянні кіберзлачыннасці Гродзенскай вобласці сумесна з калегамі са Следчага камітэта выйшлі на 30‑гадовага жыхара Астраўца, які за грошы аказваў махлярам паслугі па маршрутызацыі званкоў з інтэрнэту ў стандарт GSM, паведамляе прэс-служба МУС.
Дзякуючы яму зламыснікі маглі камунікаваць з патэнцыйнымі ахвярамі і заставацца ананімнымі. Пры гэтым ён сам меў доступ да ўсіх размоў і мог іх праслухоўваць.
Злачыннай дзейнасцю мужчына займаўся крыху больш за год, схаваўшы GSM-шлюзы ў здымнай кватэры. Таксама ён прыцягваў сваякоў і знаёмых, якія шукалі падстаўных асоб для рэгістрацыі SIM-карт.
Абсталяванне выкарыстоўвалася больш як у 40 выпадках махлярства ў дачыненні да грамадзян. Акрамя таго, шкода, прычыненая аператарам сувязі, перавысіла 330 тысяч рублёў.
Заведзена крымінальная справа.
У Рэчыцы людзі выйшлі прыбіраць снег. Іх аштрафавалі6
У Рэчыцы людзі выйшлі прыбіраць снег. Іх аштрафавалі
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары