U Astraŭcy zatrymali mužčynu, jaki dapamahaŭ machlaram maršrutyzavać zvanki
Supracoŭniki ŭpraŭleńnia pa supraćdziejańni kibierzłačynnaści Hrodzienskaj vobłaści sumiesna z kalehami sa Śledčaha kamiteta vyjšli na 30‑hadovaha žychara Astraŭca, jaki za hrošy akazvaŭ machlaram pasłuhi pa maršrutyzacyi zvankoŭ ź internetu ŭ standart GSM, paviedamlaje pres-słužba MUS.

Dziakujučy jamu złamyśniki mahli kamunikavać z patencyjnymi achviarami i zastavacca ananimnymi. Pry hetym jon sam mieŭ dostup da ŭsich razmoŭ i moh ich prasłuchoŭvać.
Złačynnaj dziejnaściu mužčyna zajmaŭsia krychu bolš za hod, schavaŭšy GSM-šluzy ŭ zdymnaj kvatery. Taksama jon pryciahvaŭ svajakoŭ i znajomych, jakija šukali padstaŭnych asob dla rehistracyi SIM-kart.
Abstalavańnie vykarystoŭvałasia bolš jak u 40 vypadkach machlarstva ŭ dačynieńni da hramadzian. Akramia taho, škoda, pryčynienaja apierataram suviazi, pieravysiła 330 tysiač rubloŭ.
Zaviedziena kryminalnaja sprava.
Kamientary