Кіраўнік аддзела неўралогіі і нейрахірургіі Мінскага навукова-практычнага цэнтра хірургіі, транспланталогіі і гематалогіі, галоўны пазаштатны спецыяліст па ангіянеўралогіі Міністэрства аховы здароўя Сяргей Марчанка расказаў у эфіры «Радыё-Мінск» пра статыстыку інсультаў у Беларусі.
Па словах спецыяліста, за апошнія два гады ў краіне рэгістравалі прыкладна 41—41,5 тысячы выпадкаў інсультаў у год. Паводле папярэдніх даных за 2025 год, колькасць інсультаў застанецца прыкладна на такім жа ўзроўні. Пры гэтым раней, да пандэміі каранавіруса, штогод фіксавалася больш за 44 тысячы выпадкаў.
Спецыяліст адзначыў, што інсульт па-ранейшаму з’яўляецца хваробай старэйшых людзей, нягледзячы на распаўсюджаную думку пра «маладзенькія інсульты». Аналіз баз даных МНПЦ і Бальніцы хуткай медыцынскай дапамогі паказаў, што за 11 гадоў праз гэтыя ўстановы прайшло 45 тысяч пацыентаў з інсультам, пры гэтым доля маладых людзей (18—44 гады) стабільная і складае ў сярэднім 3,7 %, плюс-мінус 0,5 %.
Марчанка таксама нагадаў асноўныя фактары рызыкі інсульту: у 95% пацыентаў ёсць артэрыяльная гіпертэнзія. Таксама гэта атэрасклероз мазгавых сасудаў, цукровы дыябет, парушэнні рытму сэрца, лішняя вага, гіпадынамія, курэнне і злоўжыванне алкаголем. Ён адзначыў, што інсульт можа здарыцца і ў дзяцей, хоць гэта значна радзей.
Ашвагандха, жэньшэнь, фулерэн… Таблеткі «для імунітэту» і «для мозгу»: што з гэтага рэальна працуе? Адказаў псіхіятр
На блізкім гарызонце новыя лекі ад халестэрыну: яны сапраўды рэвалюцыйныя
Смяротнасць сярод моладзі Усходняй Еўропы расце насуперак сусветным тэндэнцыям
Беларускія кардыяхірургі ўпершыню паспяхова выдалілі пухліну ў цяжарнай жанчыны
Што цяпер з італьянскімі візамі? Масавыя адмовы? Турфірмы называюць альтэрнатыву6
Што цяпер з італьянскімі візамі? Масавыя адмовы? Турфірмы называюць альтэрнатыву
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча1212
Каментары