Дэпутаты прынялі праект закона «Аб дзяржаўнай рэгістрацыі і ліквідацыі (спыненні дзейнасці) суб’ектаў гаспадарання», паведамляе прэс-служба парламента. Дакумент уносіць істотныя змены ў працэдуры стварэння і закрыцця бізнэсу, накіраваныя на спрашчэнне адміністрацыйных працэсаў і ўзмацненне кантролю.
Закон уводзіць рэгістрацыю кампаній па тыпавых статутах і змяняе парадак выхаду ўдзельнікаў з гаспадарчых таварыстваў, прадугледжваючы абавязковае натарыяльнае пасведчанне такіх дзеянняў, піша Office Life.
Таксама сярод ключавых змен — скарачэнне тэрміну прадастаўлення інфармацыі з Адзінага дзяржаўнага рэестра з сямі да пяці дзён. Узмацняюцца і патрабаванні да актуалізацыі дадзеных аб кампаніях, у тым ліку інфармацыі аб бенефіцыярах.
Тэрміны пастаноўкі на ўлік у падатковых і іншых органах скарачаюцца з пяці да трох працоўных дзён, і цяпер не трэба атрымліваць паведамленне аб пастаноўцы на ўлік.
Колькасць рэгіструючых органаў зменшыцца за кошт выключэння адміністрацый свабодных эканамічных зон. Цяпер рэгіструючы орган будзе вызначацца па месцы знаходжання кампаніі.
Закон уводзіць абавязковае ўказанне адраса электроннай пошты юрыдычнай асобы ў рэестры, які будзе мець юрыдычную сілу. У выпадку змены адраса кампаніі абавязаныя паведаміць рэгіструючы орган.
Для прадухілення рызыкаў, звязаных з пагрозамі нацыянальнай бяспецы, рэгіструючыя органы будуць запытваць інфармацыю аб уладальніках і заснавальніках кампаній перад іх рэгістрацыяй. Калі будзе ўстаноўлена, што дзейнасць кампаніі пагражае бяспецы, рэгістрацыя будзе адхіленая.
Законапраект таксама дазваляе суду забараняць ліквідацыю кампаній і ўводзіць новыя правілы для абароны правоў крэдытораў. Рэгіструючы орган зможа адмовіць у рэгістрацыі рэарганізацыі, калі ў кампаніі ёсць нявыкананыя абавязацельствы перад крэдыторамі.
Цяпер чытаюць
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы18
«Народ павінен на гэту ўладу маліцца». Лукашэнка патрабуе, каб пасля арміі хлопцы вярталіся строга на ранейшыя месцы працы
Стаў героем Магілёўскага ўнівера, збіраў фальклор, працаваў на беларусізацыю садкоў — расказваем пра Яўгена Бойку, асуджанага за салідарнасць з палітвязнямі77
Каментары