Сёння 3 гады, як трапілі ў палон ваяры «Клешч і «Тромблі», загінулі «Брэст», «Папік», «Атам» і «Сябро»
26 чэрвеня 2022 года пад Лісічанскам адбыўся адзін з самых трагічных баёў для беларускіх добраахвотнікаў з палка Кастуся Каліноўскага.
Там група беларусаў сутыкнулася з калонай расійскіх войскаў і дала бой. Загінулі чатыры беларускія добраахвотнікі: Іван «Брэст» Марчук — камандзір батальёна «Волат»; Васіль «Сябро» Парфянкоў; Васіль «Атам» Грудовік; Вадзім «Папік» Шатроў.
«Накрылі ўсіх. Частка беларусаў разам з «Брэстам» прыкрыла адыход іншай групы, «Брэста» сур'езна параніла ў нагу і галаву, у гэтым баі ён знішчыў як мінімум адзін танк», — расказваў «Нашай Ніве» адзін са сведкаў боя.
«Апошнім паведамленнем загінулага Івана Марчука было: «На нас едзе танк. Адпрацаваў па ім».
У тым жа баі ў палон трапілі двое байцоў: Ян «Тромблі» Дзюрбейка і Сяргей «Клешч» Дзёгцеў.
Іх імёны былі ўключаны ва ўкраінскія спісы на абмен палоннымі яшчэ ў ліпені 2022 года, але расійскі бок адмаўляецца аддаваць беларусаў, пра што распавёў нядаўна прэзідэнт Украіны Уладзімір Зяленскі.
На сённяшні дзень іх лёс застаецца невядомым.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2929
Каментары
Бо даўно лічыць нас за сваю маёмасьць.