Арыштаваныя дырэктары страхавых кампаній ТАСК і «Прамтрансінвест»
Ігара Волкава і Уладзіміра Яфрэменку ўзялі пры атрыманні хабару.
Сілавікі паведамілі пра затрыманне двух генеральных дырэктараў страхавых кампаній, 47 і 62 гадоў, а таксама 65-гадовага мужчыну, які раней займаў аналагічную пасаду. Самі кампаніі не называліся.
Як стала вядома «Нашай Ніве», гаворка ідзе пра дырэктараў страхавых кампаній ТАСК і «Промтрансінвест» — Ігара Волкава і Уладзіміра Яфрэменку.
Абедзве кампаніі можна лічыць дзяржаўнымі. ТАСК (Транспартная акцыянерная страхавая кампанія) належыць на 75% структурам Белчыгункі і на 25% Сбер Банку, а ў «Прамтрансінвесце» доля дзяржавы перавышае 60%.
62-гадовы Ігар Волкаў узначальвае ТАСК з 2003 года. На працы яго няма. На месцы Волкава цяпер намеснік, Васіль Някрасаў. Ён абцякальна раіць званіць начальніку на мабільны: «Ён чалавек перадпенсійнага ўзросту, балячкі ў яго розныя. Быў на бальнічных. Можа, і зараз на бальнічным». На іншыя пытанні ў ТАСКу адказаць не могуць.
Другі затрыманы — 47-гадовы дырэктар «Прамтрансінвеста» Уладзімір Яфрэменка. У кампаніі кажуць, што дырэктара па паважлівай прычыне няма і бліжэйшыя пару тыдняў не будзе.
Паводле звестак МУС, Волкаў і Яфрэменка атрымалі дзясяткі тысяч даляраў і еўра хабару. Грошы ім плацілі камерцыйныя структуры за садзейнічанне ў працягненні супрацоўніцтва з камерцыйнымі структурамі.
Заведзеныя крымінальныя справы за атрыманне хабару ў буйным памеры.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары
Мабыць і стахапутаў пусцілі на раздой.