Мільярдэра Самвела Карапецяна абвінавацілі ў закліках да захопу ўлады ў Арменіі
Кіраўніку прамыслова-будаўнічай групы «Ташыр», мільярдэру Самвелу Карапецяну выстаўлена абвінавачанне ў публічных закліках да захопу ўлады ў Арменіі, паведаміў адвакат бізнэсмена РИА «Навіны».
Паводле слоў абаронцы, Карапецяна збіраюцца арыштаваць. Бізнесмен віны не прызнаў. Супраць мільярдэра распачалі крымінальную справу, цяпер ён знаходзіцца ў Следчым камітэце Арменіі.
Напярэдадні супрацоўнікі праваахоўных органаў Арменіі прыйшлі з ператрусамі ў дом Карапецяна ў Ерэване, а таксама затрымалі некалькіх яго сваякоў і прыхільнікаў, якія сабраліся на месцы падзей. Уначы 18 чэрвеня Карапецян пакінуў дом разам з сілавікамі.
Сваякі мільярдэра і мясцовыя СМІ звязалі следчыя дзеянні з тым, што Карапецян выступіў у падтрымку Армянскай апостальскай царквы і з крытыкай на адрас прэм’ер-міністра Арменіі Нікола Пашыняна, які, у сваю чаргу, крытыкаваў ААЦ і заклікаў каталікоса Гарэгіна II пакінуць сваю пасаду.
Пасля ператрусаў у Карапецяна Пашынян заклікаў нацыяналізаваць ЗАТ «Электрычныя сеткі Арменіі», што належаць Карапецяну.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў10
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары