Беларускі тэлекамунікацыйны аператар «Белтэлекам» можа правесці рэбрэндынг. Як даведаўся Office Life, у канцы мая кампанія падала ў Нацыянальны цэнтр інтэлектуальнай уласнасці заяўкі на рэгістрацыю чатырох таварных знакаў.
Так, адзін з таварных знакаў ўяўляе сабой назву кампаніі на рускай мове з абноўленым лагатыпам.
Апошні ж таварны знак уяўляе сабой абрэвіятуру «БТК» таксама з абноўленым лагатыпам.
Характэрна, што «Белтэлекам» вырашыў зарэгістраваць новыя таварныя знакі практычна ва ўсіх класах тавараў і паслуг. Выключэнне — 25-ы клас тавараў. Ён уключае ў сябе, напрыклад, адзенне і абутак, маскарадныя касцюмы, галаўныя ўборы.
Сёлета «Белтэлекам» адзначае 30-годдзе. Кампанія была створана ў пачатку ліпеня 1995 года. Магчыма, гэта і паслужыла прычынай рэбрэндынгу.
На сайце кампаніі вісіць банер, які кажа, што «Белтэлекаму» 30 гадоў і гэта «выдатны момант для абнаўлення».
Цяпер чытаюць
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах5
Бабарыка расказаў, як хадзіў у КДБ знаёміцца са справай свайго рэпрэсаванага дзеда, які мог быць расстраляны ў Курапатах
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых1616
Каментары