ДАІ назвала, колькі выпускнікоў аўташкол здаюць з першай спробы і як змяніўся парадак прыёму экзаменаў
Тэарэтычны іспыт з першай спробы здаюць прыкладна 60% выпускнікоў аўташкол, з практычных усё значна горш, піша «Мінск-Навіны».
Фота: «На страже»
У 2024 годзе ў Беларусі каля 71 тысячы чалавек звярнуліся па вадзіцельскія пасведчанні. З першай спробы тэорыю здалі 58%, практыку — 35%.
Такія лічбы назваў начальнік галоўнага ўпраўлення ДАІ МУС Віктар Ротчанкаў. Паводле ДАІ, шмат скаргаў паступае ад выпускнікоў аўташкол на нізкую якасць навучання.
МУС прапануе:
- вызначыць умовы, пры якіх сертыфікат аўташколы можа быць прыпынены або скасаваны;
- унесці змены ў праграмы падрыхтоўкі кіроўцаў;
- павялічыць колькасць гадзін практыкі з 50 да 70;
- шырэй выкарыстоўваць інтэрактыўныя трэнажоры.
Між тым, з 8 красавіка змяніўся парадак прыёму кваліфікацыйных экзаменаў на права кіравання механічным транспартным сродкам. Па новых правілах:
- калі ёсць катэгорыя В і здаецца на С — экзамен толькі ў горадзе, без пляцоўкі;
- калі ёсць С і здаецца на В — таксама толькі ў горадзе;
- калі навучанне адразу на B і C — адзін экзамен у горадзе, другі на пляцоўцы (на выбар);
- катэгорыя D — толькі ў горадзе;
- катэгорыі ВЕ, СЕ, DE — толькі на пляцоўцы;
- пасля пазбаўлення правоў: практыка — у горадзе, тэорыя — абавязковая, пляцоўка не патрабуецца.
Цяпер чытаюць
«Сядзеў ужо 50 сутак, затрымалі яго дзяўчыну і брата». Сукамернік расказаў пра радыёаматара, арыштаванага за здраду дзяржаве1
Каментары