DAI nazvała, kolki vypusknikoŭ aŭtaškoł zdajuć ź pieršaj sproby i jak źmianiŭsia paradak pryjomu ekzamienaŭ
Tearetyčny ispyt ź pieršaj sproby zdajuć prykładna 60% vypusknikoŭ aŭtaškoł, z praktyčnych usio značna horš, piša «Minsk-Naviny».
Fota: «Na stražie»
U 2024 hodzie ŭ Biełarusi kala 71 tysiačy čałaviek źviarnulisia pa vadzicielskija paśviedčańni. Ź pieršaj sproby teoryju zdali 58%, praktyku — 35%.
Takija ličby nazvaŭ načalnik hałoŭnaha ŭpraŭleńnia DAI MUS Viktar Rotčankaŭ. Pavodle DAI, šmat skarhaŭ pastupaje ad vypusknikoŭ aŭtaškoł na nizkuju jakaść navučańnia.
MUS prapanuje:
- vyznačyć umovy, pry jakich siertyfikat aŭtaškoły moža być prypynieny abo skasavany;
- unieści źmieny ŭ prahramy padrychtoŭki kiroŭcaŭ;
- pavialičyć kolkaść hadzin praktyki z 50 da 70;
- šyrej vykarystoŭvać interaktyŭnyja trenažory.
Miž tym, z 8 krasavika źmianiŭsia paradak pryjomu kvalifikacyjnych ekzamienaŭ na prava kiravańnia miechaničnym transpartnym srodkam. Pa novych praviłach:
- kali jość katehoryja V i zdajecca na S — ekzamien tolki ŭ horadzie, bieź placoŭki;
- kali jość S i zdajecca na V — taksama tolki ŭ horadzie;
- kali navučańnie adrazu na B i C — adzin ekzamien u horadzie, druhi na placoŭcy (na vybar);
- katehoryja D — tolki ŭ horadzie;
- katehoryi VIE, SIE, DE — tolki na placoŭcy;
- paśla pazbaŭleńnia pravoŭ: praktyka — u horadzie, teoryja — abaviazkovaja, placoŭka nie patrabujecca.
Kamientary