Лукашэнка — патрыярху Кірылу: Мы стараемся запаветаў Госпада не парушаць у Беларусі
Аляксандр Лукашэнка распавёў кіраўніку РПЦ, што заўсёды камусьці нешта не церпіцца, але ён працягвае працаваць з Божай дапамогай.
Аляксандр Лукашэнка запэўніў патрыярха Кірыла, што ён стараецца не парушаць запаветы Госпада ў Беларусі.
На сустрэчы з кіраўніком РПЦ Лукашэнка паразважаў аб неспакойнай сітуацыі вакол Беларусі.
«Яшчэ раз дзякуй вам за тое, што вы знайшлі магчымасць на велізарнай тэрыторыі Рускай праваслаўнай царквы наведаць Беларусь. Я ўпэўнены, што сапраўды ў вашым сэрцы Беларусь. Упэўнены, што вы аддаяце належнае спакою і цішыні, у якой развіваецца наша краіна.
Хаця, вы бачыце, як бывала гэта раней, і нават на нашай з вамі памяці — не ўсё спакойна вакол Беларусі. Заўсёды камусьці нешта не дае спакою. Але мы стараемся прыказанняў Госпада не парушаць у Беларусі. Таму нам удаецца рэалізоўваць гэтыя [пачынанні і памкненні] і жыць больш-менш спакойна», — сказаў Лукашэнка.
Ён дадаў, што беларусы не вельмі багатыя, але як-небудзь зарабляюць з Божай дапамогай.
«Не скажу, што мы вельмі багатыя. Хто як можа, як зарабляе з дапамогай Госпада. Але калі сам працуеш, Госпад дапамагае, мы і гэтую запаведзь помнім», — адзначыў Лукашэнка.
Кірыл у адказ паразважаў, «як пахарашэла Беларусь пры Лукашэнку».
«Вялікія змены ў жыцці краіны, і не толькі эканамічныя, не толькі ў дабрабыце народа, але і агульная атмасфера. І ўсё гэта пры вашым кіраванні. І, я думаю, многія рэчы былі вынікам вашага такога творчага ўяўлення — якой павінна быць краіна, народ. Усё гэта сапраўды рэалізуецца на карысць Беларусі», — заявіў Кірыл.
Ён таксама падкрэсліў, што «з'яўляецца патрыярхам усёй Русі, у тым ліку і Беларусі».
Цяпер чытаюць
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу8
Асудзілі мазырскага блогера Union Bell. Хлопец некалькі гадоў хаваўся, але пасля арышту бацькі быў вымушаны звярнуцца ў бальніцу
«Я супраць. Мовы, якія пакінулі пасля сябе каланізатары ў Афрыцы, сталі шляхам да цывілізацыі». Алексіевіч адказала, як ставіцца да адмовы ад рускай мовы ва Украіне8888
Каментары
Дарэчы як і твой сеньняшні візаві. Таксама вельмі пабожны чалавек, вельмі
Нарцыз, які лічыць сябе вышэй за Бога.
Асоба якая не мае і не мела ніколі а ні кроплі любові да людзей і чалавецтва.