У Германіі махляры паспяхова абменьваюць старыя беларускія рублі як новыя
У Германіі зноў зафіксаваныя выпадкі махлярства з выкарыстаннем старых беларускіх грошай, якія ўжо даўно не з’яўляюцца плацежным сродкам. Пра два такія інцыдэнты паведаміла паліцыя горада Эшвеге ў зямлі Гесэн, піша сайт «Беларусь и мир».
У нядзелю, 25 мая, у двух розных населеных пунктах да мясцовых жыхароў падыходзілі людзі (меркавана з Беларусі) і прасілі абмяняць беларускія рублі на еўра, тлумачачы гэта тым, што ім патрэбныя грошы на паліва. У адным выпадку мужчына абмяняў дзве купюры па 500 рублёў на 200 еўра, у другім — 2 500 рублёў на 500 еўра.
Пазней высветлілася, што гэтыя беларускія грошы ўжо выведзеныя з абарачэння і не маюць ніякай рэальнай вартасці.
Цяпер паліцыя шукае падазраваных. Паводле наяўнай інфармацыі, яны перасоўваліся на цёмным пазадарожніку, магчыма, BMW X5. Галоўны падазраваны — мужчына ва ўзросце 25—30 гадоў, моцнага целаскладу, з усходнееўрапейскай знешнасцю. Разам з ім былі жанчына і двое дзяцей.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары