У адпаведнасці з загадам Мінпрыроды новым кіраўніком Белгідрамета стаў Сяргей Хільман, пішуць Мінск-навіны.
Новага начальніка калектыву Белгідрамета прадставіў міністр прыродных рэсурсаў і аховы навакольнага асяроддзя Сяргей Масляк. У сваёй прамове ён адзначыў каласальны досвед працы, багатую працоўную біяграфію і выбітныя асабістыя якасці Хільмана.
Перад новым кіраўніком пастаўленыя наступныя задачы: завяршэнне рэканструкцыі будынка геафізічнай абсерваторыі, мадэрнізацыя абсталявання, павышэнне якасці спраўджвання прагнозаў надвор’я і папулярызацыя дзяржаўнай установы.
Сяргей Хільман у 2009 годзе быў галоўным дарадцам упраўлення рэгіянальнай палітыкі Адміністрацыі Лукашэнкі. З 2009 па 2013 год — начальнікам галоўнага ўпраўлення ідэалагічнай працы Мінгарвыканкама, у 2013—2014 гадах — начальнікам галоўнага ўпраўлення ідэалагічнай працы, культуры і па справах моладзі Мінгарвыканкама.
З 2014 па 2016 год ён быў намеснікам міністра інфармацыі, затым да 2020 года — дырэктарам «Мінскрэкламы», з 2020 па 2025 год — кіраўніком адміністрацыі Савецкага раёна сталіцы.
Цяпер чытаюць
З Лондана Мельнікава вылецела на Шры-Ланку, у яе быў каханак спартовага выгляду з Беларусі49
Каментары
Хильман этот всю свою жизнь нигде толком не работал и новый сменщик Щекович всю жизнь просидел в профсоюзах Лукашенко, а теперь сразу целый глава района.