У пасланні беларускага прадстаўніка ў ЕС Уладзіміра Сянько Брусэль абвінавачваецца ў экстрэмізме.
Амбасадар Беларусі ў Еўрапейскім Саюзе Уладзімір Сянько напісаў ліст, адрасаваны кіраўніцтву ЕС.У сваім пасланні спадар Сянько абвінавачвае ЕС у невыкананні абавязальніцтваў, палітыцы падвойных стандартаў і экстрэмізме.
Ліст пачынаецца згадкамі аб рашэнні ЕС адысці ад палітыкі ізаляцыі Беларусі. Яно было прынятае неўзабаве пасля грузінска-расійскай вайны жніўня 2008 года. Пры гэтым, што праўда, прадстаўнік Беларусі не згадвае аб 12-ці патрабаваннях ЕС.
«На жаль, некаторыя нашы партнёры ў ЕС, і асабліва ў Еўрапейскім Парламенце праяўляюць негатоўнасць прыняць філасофію роўнага і прагматычнага падыходу да кантактаў з Беларуссю. Яны не гатовыя выявіць палітычную адвагу і спыніць ціск, павучанні і тыканне пальцамі, якія даказалі сваю непрадуктыўнасць»-- піша Уладзімір Сянько.
Што праўда, у пасланні знайшлося месца і для пазітыўных згадак аб супрацоўніцтве ЕС і Беларусі – галоўным чынам у сферы энэргетыкі, сельскай гаспадаркі і экалогіі. «У гэтых сферах дыялог працякае паспяхова» – зазначае ў лісце да ЕС У.Сянько.
Праблемы з правамі чалавека ў Беларусі традыцыйна названыя ў пасланні «нацыянальнымі рысамі і асаблівасцямі краіны», якія не замінаюць патрабаваць «роўнага дыялогу».
Асаблівая ўвага нададзена Еўранэсту — асамблеі дэпутатаў парламентаў краінаў ЕС і яго суседзяў. Яе ініцыятараў – парламенцкую асамблею Усходняга Партнёрства У.Сянько абвінавачвае ў правакацыі і дзеяннях з пазіцый палітычнага экстрэмізму. Маецца на ўвазе намер запрасіць на мерапрыемства прадстаўнікоў апазіцыі. Спадар Сянько называе такі падыход ЕС «несур'ёзным і шкодным», а таксама абвінавачвае Еўрасаюз у безадказнасці і ў «перашкодах на шляху ўмацавання незалежнасці маладой беларускай дзяржавы».
«Не ўсе задавальняе нашых партнёраў у Брусэлі, але важна прызнаць, што базавыя чаканні Беларусі ад ЕС таксама далёкія ад выканання. Гэта тычыцца амаль усіх сфер нашага супрацоўніцтва – ад палітыкі і эканомікі, да асабістых кантактаў. Мы дагэтуль чакаем рэальных вынікаў»– такімі словамі заканчваецца пасланне беларускіх уладаў еўрапейскім чыноўнікам.
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам24
Каментары