Усяго патроху55

Пакладзіце лімон у мікрахвалёўку — пяць хвілін кайфу гарантаваныя

На сценках мікрахвалёўкі сядаюць кроплі тлушчу і часцінкі прадуктаў. Яны хутка прысыхаюць, карэюць, пакідаюць сляды і непрыемны пах. Як жа вярнуць тэхніцы першапачатковы выгляд?

Мікрахвалёвая печ, лімон. microwave, lemon. Микроволновая печь, лимон.
Фота: Marian Vejcik / Vecteezy

Эксперты сцвярджаюць: нават моцна забруджаную мікрахвалёўку можна лёгка і хутка ачысціць звычайным лімонам. Лімон не толькі натуральны ачышчальнік, але і цудоўны сродак супраць пахаў. Ён размякчае засохлыя рэшткі ежы і напаўняе кухню прыемным цытрусавым водарам. У адрозненне ад агрэсіўнай бытавой хіміі, лімон бяспечны і пасуе для рэгулярнага выкарыстання.

Як правільна чысціць мікрахвалёўку лімонам

Што спатрэбіцца:

  • адзін лімон,
  • кубак вады,
  • міса для выкарыстання ў мікрахвалёўцы,
  • 5 хвілін часу.

1. Разрэжце лімон напалову і выдушыце максімум соку ў міску.

2. Дадайце да соку ваду і перамяшайце лыжкай.

3. Палавінкі лімона пасля выдушвання соку нарэжце на 4—8 частак і пакладзіце ў тую ж місу.

4. Калі мікрахвалёўка асабліва забруджаная, дадайце адну сталовую лыжку (15 мілілітраў) воцату для ўзмацнення эфекту.

5. Пастаўце міску ў печку без накрыўкі і ўключыце максімальную магутнасць на 3 — 5 хвілін.

6. Пасля завяршэння праграмы не адкрывайце дзверцаў адразу — хай пара і эфірныя алеі яшчэ 10—15 хвілін уздзейнічаюць на бруд.

Завяршэнне працэдуры

Акуратна дастаньце міску, зніміце талерку. Унутраныя сценкі мікрахвалёўкі пратрыце мяккай анучкай або папяровымі ручнікамі. Пара, якая асела, дапаможа хутка выдаліць прыліплую і прыкарэлую ежу. Калі засталіся ўстойлівыя плямы, пашмаруйце іх анучай, змочанай у лімонным растворы.

Як з дапамогай лімона зняць у мікрахвалёўцы асабліва складаныя плямы

• нанясіце на іх трохі харчовай соды і пакіньце на 1—2 хвіліны;

• затым пратрыце тканінай, змочанай у растворы з лімонам;

• сода як мяккі абразіў здыме прыкарэлыя рэшткі, а лімонны сок растворыць тлушч і пахі.

Не забудзьцеся добра ачысціць гумовыя ўшчыльняльнікі, дзверцы, клямку і панэль кіравання. Талерку і круг памыйце ў ракавіне з звычайным сродкам для посуду.

Як часта праводзіць чыстку мікрахвалёўкі

Рэгулярны дагляд не толькі ліквідуе непрыемныя пахі, але і падоўжыць тэрмін службы прылады.

Дадатковая парада: калі пакінуць талерку з лімонам на стале ці падаконні, прыемны натуральны цытрусавы водар будзе трымацца яшчэ пару гадзін. Можна перанесці яе ў іншы пакой і выкарыстоўваць як натуральны асвяжальнік паветра.

Каментары5

  • Імя
    02.05.2025
    О, мне так давялося аднойчы адмыць сваю нятанную мікрахвалёўку Шарп з вялікай колькасцю функцый, у тым ліку печкі і гарачага паветра і яшчэ невядома колькі чаго. Менавіта цытрынай з вадой.
    Карацей, яе закараціла і яна нафіг ляснула.
    Калі вам патрэбна набыць новую мікрахвалёўку і вы ня ведаеце як, то пастаўце ў старую воду з лімонам на 5 хвілін.
  • пяць хвілін кайфу гарантаваныя?
    03.05.2025
    для гэтага спачатку трэба набыць мікрахвалёўку
  • Чистим микроволновку
    03.05.2025
    Менавіта так я і раблю. ДУШУ лімоны, каб ВЫДУШЫЦЬ сок!)))

Цяпер чытаюць

Стала вядома, дзе працуе фаварытка Лукашэнкі Уладлена Зайцава19

Стала вядома, дзе працуе фаварытка Лукашэнкі Уладлена Зайцава

Усе навіны →
Усе навіны

Масіраваная атака БПЛА на Расію: пажары на нафтазаводах, радыёзаводзе і выбухі каля вайсковага аэрадрома6

Расіяне выбралі, які помнік будзе пастаўлены ў Гомелі31

Штучны інтэлект можа прывесці да вымірання чалавецтва, папярэджваюць эксперты14

Папулярны блогер Пан Усялян другі раз стаў татам13

Расійскія турысты знайшлі на пляжы ў Тайландзе ваніты кашалота. Яны каштуюць шалёныя грошы1

Блогер параўнаў кошт адпачынку ў санаторыі «Радон» з паездкай на кітайскі востраў Хайнань — і быў шакаваны2

Дарадца Ціханоўскай перадаў лукашэнкаўскім дыпламатам прапанову пра круглы стол28

У адказ на балбатню Мядзведзева Трамп загадаў перамясціць ядзерныя падводныя лодкі10

МАРГ пайменна назвала ўсіх вінаватых у бульбяным дэфіцыце14

больш чытаных навін
больш лайканых навін

Стала вядома, дзе працуе фаварытка Лукашэнкі Уладлена Зайцава19

Стала вядома, дзе працуе фаварытка Лукашэнкі Уладлена Зайцава

Галоўнае
Усе навіны →

Заўвага:

 

 

 

 

Закрыць Паведаміць