У сеціве распаўсюджваецца відэа з віхром, заўважаным мінчукамі ўдзень 26 красавіка ў раёне Даўгінаўскага тракту. Ці быў гэта смерч, даведалася агенцтва «Мінск-Навіны».
Відэа відавочцаў вывучылі спецыялісты з Белгідрамета, якія засумняваліся ў вызначэнні прыроднай з'явы:
«Паколькі сёння днём умовы надвор'я ў Мінску вызначаліся халоднай няўстойлівай паветранай масай, якая прадугледжвае развіццё кучава-дажджавой воблачнасці, то існавала верагоднасць рэзкага шквалістага ўзмацнення ветру. Аднак віхор на відэа не апускаецца з кучава-дажджавога воблака, а, наадварот, прыўздымаецца з паверхні зямлі, што адпавядае крытэрам пыльнага віхра».
Ва ўстанове адзначылі, што такая лакальная з'ява ўяўляе сабой віхравы рух паветра дыяметрам да 5 м і вышынёй да 20 м, які ўзнікае каля паверхні Зямлі днём у выніку сонечнага прагрэву. Яго працягласць складае некалькі хвілін.
Смерч жа — гэта моцны маламаштабны (дыяметрам ад 10 да 1500 м) віхор з вертыкальнай воссю кручэння, які фармуецца пад кучава-дажджавымі аблокамі і мае працягласць існавання аж да некалькіх гадзін.
«Часцей за ўсё смерчы назіраюцца ў цёплы час года, калі ў атмасферы адзначаецца моцная няўстойлівасць, якая характарызуецца наяўнасцю зон актыўнай канвектыўнай і навальнічнай дзейнасці. Пры гэтым адзначаецца наяўнасць цёплых і вільготных патокаў у ніжняй частцы атмасферы і сухіх патокаў у яе верхняй частцы. Найбольш часта такія ўмовы фармуюцца пры праходжанні халодных атмасферных франтоў», — рэзюмавалі спецыялісты.
Дарэчы, паводле інфармацыі МНС, ніякіх інцыдэнтаў, звязаных з віхром, у сталіцы не зафіксавана.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары