Краіны ЕС папярэдзілі адміністрацыю Дональда Трампа, што не прызнаюць анексаваны Крым расійскім і не ўхваляць ніякіх крокаў ЗША па аднабаковым прызнанні анексіі паўвострава. Пра гэта піша Financial Times са спасылкай на ананімнага высокапастаўленага еўрапейскага чыноўніка. Але ЗША паставілі еўрапейскія сталіцы перад пакутлівым выбарам: падтрымліваць Кіеў або стаць на бок Вашынгтона.
Прапанова адміністрацыі Дональда Трампа прызнаць Крым расійскім у межах «мірнага пагаднення» з Масквой ставіць Еўропу перад складаным выбарам — застацца з Украінай ці падпарадкавацца Вашынгтону.
Адміністрацыя Дональда Трампа выклікала дыпламатычны скандал у Еўропе, прапанаваўшы Кіеву падпісаць пагадненне з Расіяй, паводле якога ЗША афіцыйна прызнаюць Крым расійскай тэрыторыяй. Узамен Украіна атрымала б пэўныя гарантыі бяспекі і страціла б шанцы на далучэнне да НАТА.
Прэзідэнт Украіны Уладзімір Зяленскі зноў адмовіўся прызнаваць суверэнітэт Расіі над Крымам ці іншымі акупаванымі тэрыторыямі. Кіеў гатовы весці перамовы, але не капітуляваць. У адказ Трамп назваў пазіцыю Зяленскага «шкоднай» і «правакацыйнай», папярэдзіўшы, што «ён можа выбраць мір», або «страціць усю краіну».
Новая ініцыятыва Вашынгтона выклікала трывогу ў еўрапейскіх сталіцах. Еўрапейскія дыпламаты назвалі прапанаваны варыянт пагаднення аднабакова прарасійскім.
Прапанова Трампа разбурае ранейшую агульную пазіцыю НАТА, якая катэгарычна адмаўляецца прызнаваць анексію Крыма. Акрамя таго, ЗША прапануюць выключыць магчымасць уваходу Украіны ў НАТА, што заўсёды было галоўным патрабаваннем Расіі.
Еўрасаюз і НАТА катэгарычна адмаўляюцца ад такой здзелкі. Кіраўніца еўрапейскай дыпламатыі Кая Калас раней заявіла: «Крым — гэта Украіна». Яе падтрымалі дыпламаты з Нямеччыны, Польшчы і Францыі. Яны адзначылі, што такі крок Вашынгтона падарве давер да НАТА і можа спрычыніцца да новай хвалі расійскай агрэсіі ў рэгіёне.
Паводле заходніх чыноўнікаў, пагроза, што ЗША самастойна прызнаюць Крым расійскім, можа падзяліць саюзнікаў. Некаторыя краіны ЕС могуць апынуцца пад ціскам Вашынгтона і нават саступіць дзеля захавання гандлёвых адносін ці пытанняў бяспекі. Гэта паставіць пад пагрозу адзінства ЕС у пытаннях санкцый супраць Расіі.
Трамп ужо адмовіўся ад сумеснай сустрэчы з украінскімі і еўрапейскімі прадстаўнікамі, а яго пасланнік выбраў замест яе чацвёрты візіт у Крэмль.
Хто той неадэкватны беларус, які ляснуў дзіцятка галавой аб падлогу ў маскоўскім Шарамеццеве8
Каментары