У спісе магчымых Папаў дадаўся і кардынал, які наведваў беларускіх палітвязняў
Пасля смерці Папы Францішка свет чакае імя новага духоўнага лідара 1,3 мільярда каталікоў. У ліку галоўных кандыдатаў адразу некалькі яркіх фігур — кожны са сваім падыходам да веры і міжнароднай палітыкі. Сімпатыі да Украіны выказвае кардынал Клаўдыа Гуджэроці з Італіі, піша BILD. Гуджэроці таксама добра вядома беларускім вернікам.
69-гадовы ватыканскі іерарх добра вядомы беларускім вернікам, бо з 2011 па 2015 год быў апостальскім нунцыем у нашай краіне.
У верасні 2012 года Клаўдыа Гуджэроці зрабіў візіт у турмы, дзе ўтрымліваліся беларускія палітычныя зняволеныя, што стаўла знакавым актам духоўнай падтрымкі і міжнароднай увагі да сітуацыі з правамі чалавека ў Беларусі.
Ён наведаў некалькі пенітэнцыярных устаноў, дзе асабіста перадаў вітанні і духоўную падтрымку палітвязням ад Папы Бенедыкта XVI. Сярод іх былі, напрыклад, Алесь Бяляцкі, Зміцер Дашкевіч, Павел Севярынец.
Таксама Клаўдыа Гуджэроці спрычыніўся да вяртання ў краіну Тадэвуша Кандрусевіча, якога ўлады ў 2020 годзе не пускалі назад.
Нунцый Гуджэроці неаднаразова маліўся на Дзяды ў Курапатах, а калі быў нунцыем у Вялікабрытаніі, перыядычна наведваў Беларускую бібліятэку імя Скарыны ў Лондане.
Гуджэроці таксама доўгі час працаваў у Кіеве і Тбілісі, а цяпер узначальвае ватыканскую структуру па справах усходніх цэркваў. На думку назіральнікаў, ён «ідэальнае спалучэнне дыпламата і пастыра» — і адзін з нямногіх у Ватыкане, хто адкрыта падтрымлівае Украіну, піша BILD.
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам13
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2020
Каментары