Забарона на ўвоз у Беларусь адзення, што было ў карыстанні, з тэрыторыі Літвы перастане дзейнічаць з 28 сакавіка. Пра гэта сведчыць пастанова ўрада №174, апублікаваная ў чацвер на Нацыянальным прававым інтэрнэт-партале.
У дакуменце гаворыцца: «Выключыць пазіцыю «адзенне і іншыя вырабы, што былі ва ўжыванні».
Гэтая пастанова працягвае дзеянне забароны на ўвоз шэрагу тавараў з Літвы на тэрыторыю Беларусі, незалежна ад краіны іх паходжання. Першапачаткова забарону ўвялі вясной 2024 года, затым працягнулі да кастрычніка таго ж года. Цяпер гэтая мера зноў падоўжана — да 1 кастрычніка 2025 года, піша «Спутнік».
Пры гэтым выключэнне для «сэканд-хэнду» азначае, што менавіта адзенне, што было ва ўжыванні, з 28 сакавіка зноў можна будзе ўвозіць у Беларусь з Літвы.
Пад забаронай, як і раней, застаюцца іншыя тавары, якія нельга завозіць на тэрыторыю Беларусі праз пункты пропуску на мяжы з Літвой.
У спісе: мінеральная вада, піва (у тым ліку безалкагольнае), віно, вінаграднае сусла, вермуты, спірт этылавы, воцат, шыны і пакрышкі пнеўматычныя гумовыя і іншыя грузы.
Цяпер чытаюць
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі7
«Паездкай мы задаволеныя, але сівых валасоў дадалося». Жыхарка Светлагорска адпачыла ў Геленджыку і дзеліцца эмоцыямі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1414
Каментары