Zabarona na ŭvoz u Biełaruś adzieńnia, što było ŭ karystańni, z terytoryi Litvy pierastanie dziejničać z 28 sakavika. Pra heta śviedčyć pastanova ŭrada №174, apublikavanaja ŭ čaćvier na Nacyjanalnym pravavym internet-partale.
U dakumiencie havorycca: «Vyklučyć pazicyju «adzieńnie i inšyja vyraby, što byli va ŭžyvańni».
Hetaja pastanova praciahvaje dziejańnie zabarony na ŭvoz šerahu tavaraŭ ź Litvy na terytoryju Biełarusi, niezaležna ad krainy ich pachodžańnia. Pieršapačatkova zabaronu ŭviali viasnoj 2024 hoda, zatym praciahnuli da kastryčnika taho ž hoda. Ciapier hetaja miera znoŭ padoŭžana — da 1 kastryčnika 2025 hoda, piša «Sputnik».
Pry hetym vyklučeńnie dla «sekand-chendu» aznačaje, što mienavita adzieńnie, što było va ŭžyvańni, z 28 sakavika znoŭ možna budzie ŭvozić u Biełaruś ź Litvy.
Pad zabaronaj, jak i raniej, zastajucca inšyja tavary, jakija nielha zavozić na terytoryju Biełarusi praz punkty propusku na miažy ź Litvoj.
U śpisie: minieralnaja vada, piva (u tym liku biezałkaholnaje), vino, vinahradnaje susła, viermuty, śpirt etyłavy, vocat, šyny i pakryški pnieŭmatyčnyja humovyja i inšyja hruzy.
Ciapier čytajuć
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik41
Dziaciej-futbalistaŭ z Rečycy pavieźli ŭ Hielendžyk pa pryfrantavoj vobłaści Rasii. U aŭtobus papaŭ bieśpiłotnik
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu77
Kamientary