Стаў вядомы прысуд мытніку Скубілаву, абвінавачанаму ў «здрадзе дзяржаве»
19 сакавіка стала вядома, што 9 снежня 2024 года былога супрацоўніка мытні Дзмітрыя Скубілава ў закрытым рэжыме асудзілі па абвінавачванні ў здрадзе дзяржаве (частка 1 артыкулу 356 КК). Канкрэтны прысуд быў невядомы, але ў анансаваным фільме АНТ яго назвалі.
З фільма АНТ стала вядома, што Дзмітрый Скубілаў нарадзіўся ў 1975 годзе ў Астравецкім раёне. «Працяглы час» працаваў на Ашмянскай мытні, афармляў перамяшчэнне транспарту і грузаў.
Ён нібыта меў літоўскі ДНЖ, а ягоная сям'я жыла ў Вільні. Падчас паездак да сям'і яго нібыта і завербавалі літоўскія спецслужбы.
Пры гэтым улетку 2023 года супрацоўнікі літоўскай спецслужбы нібыта вырашылі праверыць Скубілава на паліграфе, пасля чаго ў кастрычніку таго ж года мужчыну прызналі ў Літве пагрозай нацыянальнай бяспецы, дэпартаваўшы ў Беларусь і забараніўшы ўезд назад у краіну, а таксама ў дзяржавы Шэнгена. Абскарджанне выніку не дало, а ўжо на тэрыторыі Беларусі мытніка затрымалі.
Прысуд, вынесены Скубілаву на закрытым судзе — 9 гадоў зняволення са штрафам у 500 базавых велічынь.
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»48
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары