Як паведамляе польскі спартыўны рэсурс meczyki.pl, трансфер беларускага форварда Іллі Шкурына са «Сталі» з польскага горада Мелец у варшаўскую «Легію» павінен быць завершаны ў найбліжэйшыя гадзіны.
25-гадовы беларус будзе каштаваць «Легіі» каля 1,5 мільёна еўра, што зробіць яго найдаражэйшым форвардам «Легіі» і трэцім самым дарагім унутраным трансферам у польскай Экстракласе.
Працэс змены форвардам клуба ішоў у другой палове мінулага тыдня. Перамовы былі няпростыя, але клубы нарэшце прыйшлі да паразумення. Паведамляецца, што Шкурын у сераду прыедзе на медагляд і павінен падпісаць кантракт да чэрвеня 2028 года.
Дагэтуль Ілля Шкурын быў ключавым гульцом «Сталі» і гуляў практычна ўсе матчы за каманду ўжо два сезоны запар. Ён не толькі часта б'е па варотах сам, але і актыўна ўдзельнічае ў стварэнні атак. У гэтым сезоне ён забіў ужо 5 галоў і аддаў 2 перадачы, у мінулым было 18 галоў і 5 перадач.
Улетку, як паведамляецца, Шкурын быў блізкі да пераходу ў грэчаскі «Панацінаікос», а зімой за ім сачылі клубы з Паўднёвай Карэі.
На гэты момант варшаўская «Легія» мае найдаражэйшы склад у лізе (паводле Transfermarkt, ён каштуе 35 мільёнаў еўра). Шкурын ацэньваецца ў 2 мільёны еўра і добра ведае польскі чэмпіянат — ён ужо забіваў у вароты «Легіі».
Ілля Шкурын зможа гуляць за «Легію» ў Экстракласе і Кубку Польшчы ўжо ў гэтым сезоне.
У 2020 годзе Ілля першым з беларускіх спартоўцаў публічна заявіў, што адмаўляецца выступаць за нацыянальную каманду на знак салідарнасці з дэмакратычнымі пратэстамі ў Беларусі.
Цяпер чытаюць
Сустрэчу Рыжанкова з Сікорскім папрасіў Мінск. Што каманда Ціханоўскай абмяркоўвала з палякамі да і пасля яе5
Каментары