Пазняк пра 1990-я: «Ніхто не зрабіў большай шкоды для нацыянальных інтарэсаў Беларусі, чым гэта істота». Пра каго ён?
«Больш подлых учынкаў не знаходжу ні ў кім», — перакананы палітык.
Зянон Пазняк вызначыўся з тым, хто зрабіў больш за ўсё шкоды нацыянальным інтарэсам Беларусі ў 1990-я. На яго думку, гэта дэмакратычны старшыня Вярхоўнага савета Станіслаў Шушкевіч.
Ён прыйшоў у каментары ў фэйсбуку да свайго паплечніка Сяргея Навумчыка, які прысвяціў частку свайго допісу пра Мікалая Халезіна асобе Шушкевіча:
«Калі нам нешта можна паставіць у віну, дык толькі адно: мы недаацанілі ступень нізасці Шушкевіча, які ў 1992 пусціў пад адхон рэферэндум аб датэрміновых парламенцкіх выбарах (мы мелі б іншую ўладу, і сёння — іншую краіну). Мы проста не чакалі ад яго такога вераломства — а павінны былі б чакаць, бо ў палітыцы трэба ўлічваць самае слабое звяно і магчымасць здрады. Нагадаю, што ў апошні дзень 1993 Шушкевіч, нягледзячы на супраціў Апазіцыі БНФ, падпісаў Дамову аб далучэнні Беларусі да сістэмы Калектыўнай бяспекі СНД — чым выштурхнуў Беларусь у арбіту вайсковых інтарэсаў Масквы. Не Лукашэнка, а Шушкевіч зрабіў першы крок у гэтым кірунку. Але скажу і наступнае: пасля 1992 года патрабаваць ад сяброў БНФ галасаваць за Шушкевіча — усё роўна, што сёння ад таго ж Мікалая Халезіна патрабаваць галасаваць за, напрыклад, Церцеля ці Качанаву».
Пазняк салідарызаваўся з Навумчыкам:
«Правільна, што паўтараеш пра Шушкевіча. Пра яго трэба нагадваць часта. Ніхто не зрабіў тады большай шкоды нацыянальным інтарэсам Беларусі, як гэты балабол на вечным кручку ў КГБ. Калі цяпер успамінаю ўсіх з таго часу, то больш подлых учынкаў для нацыі, чым зрабіла гэтая істота, не знаходжу ні ў кім».
Станіслаў Шушкевіч быў старшынёй Вярхоўнага савета Беларусі ў 1991-1994. Памёр у 2022 годзе.
Пазняк вітае магчымую здзелку «вызваленне палітвязняў» у абмен на санкцыі
Пазняк: Вызваленне Паліны Шарэнды-Панасюк — гэта гучнае сведчанне аб гатоўнасці да перамоваў з Еўрасаюзам
«Глабальна няма розніцы паміж мной, Пазняком і Ціханоўскай». Чым сёння жыве дысідэнт Вячаслаў Сіўчык — вялікая гутарка
У Пазняка заявілі, што на іхняй акцыі ў Варшаве было 55 чалавек
Цяпер чытаюць
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку9
Мінскі медык пайшоў ваяваць за Расію, праз месяц атрымаў цяжкае раненне, а цяпер выбівае выплаты, седзячы ў інвалідным вазку
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары