Ціханоўская сустрэлася з адзіным кандыдатам ад апазіцыі Венесуэлы, які, імаверна, выйграў выбары, але Мадура не аддаў уладу
На палях Мюнхенскай канферэнцыі па бяспецы дэмакратычныя лідары Беларусі і Венесуэлы — Светлана Ціханоўская і Эдмунда Гансалес — абмеркавалі міжнародны ціск на рэжымы Аляксандра Лукашэнкі і Нікаласа Мадура.
Ціханоўская выказала словы падтрымкі і салідарнасці венесуэльцам, якія змагаюцца за свабоду. Пра гэта «Позірку» паведаміў галоўны дарадца Ціханоўскай Франак Вячорка.
Сярод пытанняў, якія абмяркоўвалі палітыкі:
- сітуацыя з рэпрэсіямі ў Беларусі і Венесуэле;
- магчымыя шляхі выхаду з крызісаў;
- супрацоўніцтва паміж рэжымамі Лукашэнкі і Мадура;
- сітуацыя з правамі чалавека і палітвязнямі;
- кантакты з новай адміністрацыяй ЗША.
- міжнароднае супрацоўніцтва і беларускае пытанне ў Лацінскай Амерыцы
Ціханоўская і Гансалес абмяняліся досведам падтрымкі грамадзян у выгнанні і дамовіліся пра супрацоўніцтва на міжнароднай арэне. Асобна яны абмеркавалі магчымасць узняцця беларускага пытання сярод краін Лацінскай Амерыкі і арганізацыю сумесных мерапрыемстваў па праблеме парушэнняў правоў чалавека.
28 ліпеня 2024 года ў Венесуэле прайшлі прэзідэнцкія выбары, пераможцам якіх у трэці раз быў абвешчаны Нікалас Мадура. Афіцыйна ён набраў 51,2% галасоў, апярэдзіўшы апазіцыйнага кандыдата Эдмунда Гансалеса (44,2%).
Аднак незалежныя экзітполы паказалі іншыя вынікі: Гансалес — 65%, Мадура — ад 14% да 31%.
Цяпер чытаюць
Як выглядае стылёвы дом новай рэктаркі Акадэміі мастацтваў коштам паўмільёна даляраў6
Як выглядае стылёвы дом новай рэктаркі Акадэміі мастацтваў коштам паўмільёна даляраў
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары