Сцэнарыста з Барысава асудзілі два месяцы назад, а цяпер на яго завялі яшчэ дзве крымінальныя справы
Кірыл Вевель прысуджаны да трох гадоў зняволення, але яму збіраюцца павялічыць тэрмін.
У Мінскім гарадскім судзе 14 лютага 2025 года пачынаецца суд над палітвязнем Кірылам Вевелем.
Ён быў арыштаваны ў студзені 2024 года і прысуджаны да 3 гадоў зняволення за «заклікі да санкцый», прычым прысуд уступіў у сілу ў лістападзе 2024 года.
Цяпер Вевелю інкрымінуецца ўдзел у нейкім «экстрэмісцкім фарміраванні» (361-1 ч.3 Крымінальнага кодэкса), а таксама ў распальванні варожасці (130 ч.1 Крымінальнага кодэкса). Па новым абвінавачванні хлопцу пагражае да 6 гадоў зняволення.
40-гадовы Кірыл Вевель — чалавек з тэхнічнай адукацыяй, але адзначыўся напісаннем сцэнароў і музыкі. Пасля школы скончыў Беларускі дзяржаўны ўніверсітэт, працаваў на розных заводах і прадпрыемствах, якія прадаюць прамысловую тэхніку. Таксама ён у 2015 годзе быў заснавальнікам невялікай кампаніі Грыфком-вектар, якая прадае камплектуючыя для канвеераў (закрылася ў 2021 годзе).
Вевель піша музыку і сцэнары да фільмаў. Ён ёсць таксама ў рэестрынацыянальных праваўладальнікаў.
Цяпер чытаюць
У Мінску прадаюць дом на вадзе. Колькі просяць за незвычайны аб'ект на Чыжоўскім вадасховішчы?3
Каментары