Дырэктара рэчыцкага прадпрыемства, якога затрымлівалі з кайданкамі, выпусцілі на волю
Як паведаміла крыніца выдання «Флагшток», звязаная з дзейнасцю Рэчыцкага метызнага завода, 29 студзеня кіраўнік прадпрыемства Віктар Самончык, якога раней нібыта затрымалі сілавікі, ужо прысутнічаў на працоўным месцы.
«Дырэктар быў на працы, нават дэманстратыўна наведваў цэхі. Што было падставай для затрымання, дакладна ніхто не ведае. На ўзроўні чутак пагаворваюць пра фінансавыя справы, бо работніка з бухгалтэрыі таксама вазілі на допыт», — паведаміла крыніца.
«Флагшток» патэлефанаваў на прадпрыемства. У прыёмнай адказалі, што дырэктара ў кабінеце няма, але на заводзе ён прысутнічае.
Між тым публічнага аспрэчвання факту затрыманне кіраўніка буйнога прадпрыемства сілавымі органамі пакуль што з боку кіраўніцтва завода і дзяржаўнага СМІ не было.
Каментары