Грамадства1010

Кіраўніка крымінальнай міліцыі Клімавічаў арыштавалі за хабар. Пагражае да 15 гадоў

У пачатку 2024 года Аляксандр Кухараў атрымаў узнагароду з рук міністра Івана Кубракова. «Гісторыя поспеху ў органах унутраных спраў», — вясной хваліла яго раёнка. Але неўзабаве Кухарава чакала крутое піке — цяпер ён у СІЗА па сур'ёзным карупцыйным абвінавачанні.

Аляксандр Кухараў. Фота: «Родная Ніва»

Аляксандру Кухараву 44 гады. Ягоны сын пайшоў па шляху бацькі і вучыцца на трэцім курсе Магілёўскага інстытута МУС.

У інтэрв'ю клімавіцкай раённай газеце «Родная ніва» Кухараў распавядаў, што ўсё жыццё марыў працаваць у міліцыі. Пасля школы пайшоў у армію, а пасля паступіў у Магілёўскую школу міліцыі.

Кухараў прыйшоў на пасаду ўчастковага ў 2002 годзе, у 2009 атрымаў пасаду аперупаўнаважанага. Працаваў у групе наркакантролю і супрацьдзеяння гандлю людзьмі, дайшоў там да старшага аперупаўнаважанага і атрымаў званне маёра. 

З 2019 па 2022 працаваў у суседнім Крычаве начальнікам аддзелення крымінальнага вышуку.

А ўрэшце вярнуўся ў Клімавічы намеснікам начальніка РАУС. Кухараў узначальваў у раёне крымінальную міліцыю.

Па выніках працы ў 2023 ён атрымаў падзяку ад Кубракова з фармулёўкай за ўмелыя і прафесійна граматныя дзеянні, ініцыяву, праяўленыя пры выкананні службовых задач.

Аляксандр Кухараў на круглым стале для школьнікаў (крайні злева). Фота: «Родная Ніва»

«Змагацца са злачыннасцю — наша праца. Усялякае здаралася, але думка пра тое, каб змяніць род дзейнасці ні разу не прыходзіла. Калектыў у нас згуртаваны, мы зладжана выконваем пастаўленыя задачы», — хваліўся Кухараў у інтэрв'ю раённай газеце.

Невядома, калі канкрэтна Кухарава затрымалі. Апошняя публічная згадка яго імені зафіксаваная ў сакавіку 2024 года. Неўзабаве ягонае імя знікла з сайта Клімавіцкага райвыканкама — цяпер месца кіраўніка крымінальнай міліцыі вакантнае.

Аляксандра Кухарава пачынаюць судзіць 9 снежня 2024 года ў Хоцімскім раённым судзе. Гэта звычайная практыка, калі працэсы над раённымі начальнікамі адбываюцца ў суседніх рэгіёнах — каб зменшыць імавернасць карупцыі пры вынясенні прысуду.

Кухарава абвінавачваюць па трэцяй, самай цяжкай, частцы артыкулу 430 КК — «хабар у асабліва буйным памеры або атрыманы асобай, якая займае адказнае становішча».

Аляксандр Кухараў. Фота: «Родная Ніва»

Аляксандру Кухараву пагражае ад пяці да пятнаццаці гадоў са штрафам і пазбаўленнем права займаць пэўныя пасады.

«Наша Нiва» — бастыён беларушчыны

ПАДТРЫМАЦЬ

Каментары10

  • Ничего нового
    06.12.2024
    Из системы все равно не уберут, отправят на 2 года в тюрьму, потом директором какой фермы в сми конечно никто не будет распространятся
  • ,,,
    06.12.2024
    Один из оборотней в погонах.
  • даведка
    06.12.2024
    В сорок лет оставаться майором... Это всё, что нужно знать об уровне кадров в МВД.

Цяпер чытаюць

У дворыку БНТУ памёр чалавек, які ўцякаў ад міліцыі1

У дворыку БНТУ памёр чалавек, які ўцякаў ад міліцыі

Усе навіны →
Усе навіны

Трамп прапанаваў Канадзе доступ да абароны пад «Залатым купалам». Пры адной умове5

Грошы для былога палітвязня Андрэя Чапюка сабралі менш чым за паўсутак

У Германіі адмяняюць нядаўна ўведзеную магчымасць «экспрэс-натуралізацыі»

«Муж быў супраць таго, каб Анжаліка сустракалася з дзецьмі з іншым мужчынам». Аўтар расследавання пра Мельнікаву падзяліўся некаторымі дэталямі5

Мерц паабяцаў дапамагчы Украіне з распрацоўкай уласнай дальнабойнай зброі1

«Вінны 500 рублёў». Беларус вырашыў захоўваць зберажэнні ў еўра, але трапіў у невідавочную пастку1

Фатограф-агент Мішчук расказаў сваю версію таго, што адбылося12

У Мінску здаецца пасутачна кватэра, у якой няма дзвярэй у прыбіральню. З канапы адкрываецца від і на тэлевізар, і на ўнітаз

Азараў: Фатограф-агент Мішчук працаваў у АBBA, бываў дома ў многіх актывістаў, аднаго з бізнэсменаў пасадзілі пасля фотасесіі11

больш чытаных навін
больш лайканых навін

У дворыку БНТУ памёр чалавек, які ўцякаў ад міліцыі1

У дворыку БНТУ памёр чалавек, які ўцякаў ад міліцыі

Галоўнае
Усе навіны →

Заўвага:

 

 

 

 

Закрыць Паведаміць