Мужчына служыў у элітным армейскім падраздзяленні «Зялёныя берэты».
Учора ў Лас-Вегасе (штат Невада, ЗША) перад вежай Трампа ўзарваўся кібертрак Tesla. Аўто было начыненае выбуховымі рэчывамі, адзін чалавек загінуў. Ім аказаўся салдатам дзеючай арміі ЗША, паведамляюць амерыканскія ўлады.
Мужчыну звалі Мэцью Лівельсбергер, піша агенцтва Associated Press. Ён быў членам элітнага армейскага падраздзялення «Зялёныя берэты». «Зялёныя берэты» змагаюцца з тэрарыстамі за мяжой, выкарыстоўваючы нетрадыцыйныя метады. Мужчына служыў у войску з 2006 года.
У дзень, калі ён узарваўся ў «Тэсле, Мэцью быў у адпачынку. Ён жа і падазраваны па гэтай справе.
Сем чалавек, якія знаходзіліся паблізу ад кібертрака, атрымалі нязначныя траўмы ў выніку выбуху.
Генеральны дырэктар Tesla Ілан Маск заявіў у сацсетцы X: «Цяпер мы пацвердзілі, што выбух быў выкліканы вельмі вялікім феерверкам і/або бомбай, якую перавозілі ў кузаве арандаванага кібертракера, і не мае дачынення да самога транспартнага сродку».
Цяпер чытаюць
На пратэстанцкі фестываль у «Чыжоўку-Арэну» едзе амерыканскі прапаведнік Франклін Грэм. Разам з ім чакаюць Коўла з жонкай19
Каментары