Прызналі «экстрэмісцкім» сайт Grodno.in, які раней змусіў прабачацца Бондараву
Суд Ленінскага раёна Гродна ўдарна папрацаваў, прызнаўшы экстрэмісцкімі папулярны ў горадзе бізнэс-партал Grodno.in і ўсе сацсеткі, з ім звязаныя, а таксама шэраг іншых інтэрнэт-рэсурсаў.
Акрамя ўласна сайта Grodno.in, «экстрэмісцкімі» прызналі два звязаныя з ім тэлеграм-каналы, а таксама старонкі ў тыктоку, інстаграме, фэйсбуку, X, «Укантакце» і «Аднакласніках».
Раней Grodno.in уступіў у канфлікт з вядомай гродзенскай даносчыцай Вольгай Бондаравай, якая ў сваім тэлеграм-канале рабіла закіды, называючы канал «экстрэмісцкім», хоць такога статусу выданне тады не мела. Журналісты падавалі на Бондараву ў суд, але справа да яго тады не дайшла — бакі дамовіліся праз медыятара. Даносчыцы прыйшлося публічна абвяргаць адзін са сваіх пастоў.
Цяпер жа, праз больш чым паўгода пасля таго выпадку, гэты статус выданне «дагнаў», і Бондарава з гэтага ўжо цешыцца, не хаваючы, што сама прыклала да гэтага руку.
Апрача таго, «экстрэмісцкім» прызналі старонкі ў фэйсбуку праваслаўнага святара Георгія Роя, які цяпер належыць да Усяленскага патрыярхату ды жыве і працуе ў Вільні, і цяперашняй галоўнай рэдактаркі тэлеканала «Белсат» Аліны Коўшык.
Таксама пад забарону трапіў акаўнт у інстаграме пад назвай autapolk.
А суд Лідскага раёна тым часам прызнаў экстрэмісцкім тыкток-акаўнт denroy86 Дзяніса Чашчэвіка.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары