У Гарадку за экстрэмізм асудзілі музыку, якога не аднойчы прызнавалі найлепшым работнікам культуры Прыдзвіння
Уладзіміра Шакуцёва, вядомага ў рэгіёне гарманіста, неаднаразовага пераможцу творчых конкурсаў, затрымалі 3 снежня. Назаўтра Гарадоцкі раённы суд абвінаваціў 48-гадовага мужчыну ў «распаўсюдзе экстрэмізму» праз сацыяльныя сеткі і асудзіў да 10 сутак арышту, піша «Віцебская вясна».
Уладзімір Шакуцёў — супрацоўнік Цэнтра традыцыйнай культуры і народнай творчасці Гарадоцкага раёна. Ён удзельнік народнага ансамбля гарманістаў «Гарадоцкі Парнас», выканаўца беларускіх песень і стваральнік народнага калектыву «Азерыца», які папулярызуе мясцовыя музычныя традыцыі.
У 2021 годзе Шакуцёў стаў пераможцам у намінацыі «Індывідуальныя выканаўцы» на музычным конкурсе «Бараньскія музыкі», у 2018 годзе на міжнародным фестывалі народнай музыкі «Звіняць цымбалы і гармонік» атрымаў другую прэмію таксама як індывідуальны выканаўца.
Калектыў «Азерыца» быў таксама ўзнагароджаны прэміяй «за папулярызацыю народнага мастацтва, захаванне і развіццё музычных традыцый».
У 2016 годзе Уладзіміра Шакуцёва ўганаравалі прэміяй Віцебскага аблвыканкама «за высокія творчыя дасягненні ў сферы культуры і мастацтва». Сёлета ён быў адзначаны Ганаровай граматай упраўлення культуры Віцебскага аблвыканкама.
-
«Пасажыры прасілі знізіць хуткасць». Устаноўленыя прычыны ДТЗ з маршруткай у Светлагорскім раёне, дзе загінулі шэсць чалавек
-
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
-
Раздзяляльныя палосы галоўных магістраляў Мінска ўпрыгожылі восем тысяч скрыняў з віёламі
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу9
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары