Мінулай ноччу 27 кастрычніка ў Беларусь з Украіны заляцелі мінімум два расійскія «шахеды», паведамляе маніторынгавая група «Беларускi Гаюн». Па інфармацыі рэсурса, адзін з іх знік. Пра яго лёс пакуль нічога не ведома.
«Першы прайшоў па «калідоры» Славуціч — Чарнобыль у 00:34 — 00:44. Яшчэ адзін зайшоў у 00:36 у раёне Лоева і трымаў паўночна-заходні курс. Вядома, што дрон паляцеў углыб краіны і знік. Гэта ж пацвярджаюць і Паветраныя сілы УСУ, паводле інфармацыі якіх адзін БПЛА паляцеў у напрамку Беларусі.
Акрамя гэтага, яшчэ мінімум 2 «шахеды» трымалі курс у напрамку Беларусі, рухаючыся ў раёне Оўруча і Прыпяці ў 00:39 і 02:05. Аднак ці зайшлі яны далей у Беларусь, невядома», — гаворыцца ў паведамленні.
Па даных праекта, на працягу ночы дзяжурная авіяцыя ВПС Беларусі не ўзнімалася.
Цяпер чытаюць
«Я гатовая стаць міністрам эканомікі Беларусі». Новы твар у Кабінеце Аліса Рыжычэнка — пра карупцыю на карысць Лукашэнак, Зарэцкую і рэформы58
Каментары