Фірма «ЛБВМС» Сяргея Пархоменкі (сапраўднае імя артыста) існавала з 2017 года і займалася вырабам і продажам гатовых набораў ежы, піша Shot.
За сем гадоў працы гэтую фірму тройчы спрабавалі ліквідаваць праз няправільны адрас, пазначаны пры рэгістрацыі юрыдычнай асобы. У 2020-м фірму выключылі з рэестра малога і сярэдняга прадпрымальніцтва.
Акрамя праблем з адрасам у кампаніі назапасіліся вялікія запазычанасці па абавязковых пенсійных узносах, з-за чаго на Сярогу нават падаў у суд Сацыяльны фонд Расіі, які выйграў у яго ажно 500 расійскіх рублёў. Цяпер жа фірму цалкам ліквідуюць.
Спявак Сярога родам з Гомеля стаў вядомы не толькі ў Беларусі, але і на ўсёй постсавецкай прасторы ў пачатку нулявых. Ён выконваў такія тагачасныя хіты, як «Чорны бумер», «Каля дома твайго», «King Ring». У 2010-я атрымаў дазвол на жыхарства ва Украіне, дзе доўга жыў і працаваў. Але пасля пачатку пратэстаў у Беларусі стаў на бок рэжыму Лукашэнкі, часта адзначаўся пралукашэнкаўскімі выказваннямі і браў удзел у праўладных мерапрыемствах.
Цяпер Сярога жыве ў Беларусі, але часта заязджае ў Расію.
Цяпер чытаюць
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай5
«Звяжыцеся з намі»: Пракоп'еў напісаў калонку для «НН», у якой абгрунтоўвае знаходжанне Ціханоўскага ў Штатах і просіць грошай
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1515
Каментары