Грамадства9999

Блогер абурыўся мамай у гандлёвым цэнтры, якая карміла грудзьмі немаўля. Яна яму іранічна адказала

Сталічны блогер пабачыў у гандлёвым цэнтры «Грын Сіці», як маці корміць немаўля. Сваё абурэнне ён запісаў на відэа на фоне той самай жанчыны. Гісторыя атрымала нечаканы працяг: верагодная гераіня роліку — вядомая доктарка. Яна не стала маўчаць.

Скрыншот відэа ў тыктоку

Некалькі дзён таму тыкток-карыстальнік Руслан выклаў ролік, у якім абураўся:

— Жанчына на заднім плане (твар не паказваю) сядзіць і грудзьмі корміць дзіця. Я лічу, гэта ненармальна. Гэта асабістае, гэта інтымнае. Я ведаю, што мамашы мяне пачнуць хэйціць. Але гэта няправільна.

Гэта аналагічна, калі б я нешта мог рабіць у гандлёвым цэнтры і казаць: «Гэта натуральна». Тым больш, у кожным гандлёвым цэнтры ёсць пакой маці і дзіцяці. Туды можна пайсці і спакойна пакарміць. Або, я лічу, калі ты ідзеш кудысьці і надоўга, проста можна сцадзіцца ў бутэлечку і пакарміць дзіця з бутэлькі — гэта будзе эстэтычна і прыгожа.

@ruslannovik76 #дети#родители#младенец#кормлениеребёнка#мать ♬ оригинальный звук - ruslannovik76

Відэа набрала 168 тысяч праглядаў. Дыскусія пачалася актыўная. Нехта падтрымаў мужчыну, але найбольш папулярныя каментарыі прысвечаны таму, што няма нічога жудаснага ў кармленні немаўля на людзях.

Блогер пасля запісаў яшчэ некалькі відэа з разважаннямі на тэму груднога кармлення. І нават абяцаў правесці жывы эфір, прысвечаны таму «як чалавека, які мае ўласнае меркаванне, паліваюць брудам».

Пра гэтую гісторыю напісалі многія СМІ, відэа абмяркоўвалі ў сацыяльных сетках. Учора яго пабачыла і верагодная гераіня роліку. Вядомая педыятарка і стваральніца Цэнтра сучаснай педыятрыі ў Мінску Надзея Дубатоўка, якая нядаўна нарадзіла пятае дзіця, пазнала ў відэа сябе.

Надзея Дубатоўка. Скрыншот яе інстаграму

Адказ шматдзетная маці апублікавала ў сваім блогу ў інстаграме, дзе на яе падпісана каля 84 тысяч чалавек.

— Добра, я не люблю лезці ў такія рэчы. Таму што нават такая дробязь для мяне відавочны хайп. Мая пазіцыя наконт кармлення грудзьмі ў грамадскіх месцах? Мужык, хутчэй за ўсё ў «Грын Сіці» ты бачыў мяне. Дзякуй за ўвагу. Каму брыдка глядзець на кармленне дзяцей — хай самі не ядуць у грамадскіх месцах. Я так лічу. А то чвякаеце, рот свой разяўляеце. Гэта фууу. Прыкрывайцеся, калі ласка, калі ясце. Сорамна ж павінна быць.

Каментары99

  • Сонейка
    08.10.2024
    Ну вось бачна, што мужыка асабліва і не любілі, і не выхоўвалі. Затое корміць цяпер ён сам сабе як слоніка
  • Яська
    08.10.2024
    за што ў нас так ненавідзяць дзяцей?
  • Митя
    08.10.2024
    Впечатлительный русланчик, уже без вариантов, беги жалуйся бондаревой

Цяпер чытаюць

На канверце Ціханоўскай напісана «Медведю О.В.» Што гэта за чалавек?23

На канверце Ціханоўскай напісана «Медведю О.В.» Што гэта за чалавек?

Усе навіны →
Усе навіны

«Вайна павінна завяршыцца. І гэта павінна быць сумленнае завяршэнне». Зяленскі расказаў пра размову з Трампам1

Трамп заявіў пра прагрэс падчас сустрэчы Уіткафа з Пуціным3

Дачка сказала пра ВІЧ, у мужа — інфаркт. Як сям’я з Беларусі перажыла «фатальны» дыягназ і чаму пра гэта нікому не казалі5

На мінскай будоўлі насмерць разбіўся рабочы1

Белы дом рыхтуе заяву па выніках візіту Уіткафа ў Маскву. А пакуль Трамп увёў новыя мыты супраць Індыі1

Пляжам ва ўсім свеце пагражае знікненне

«Яго пагарда да Украіны ўзмацнілася». Як цяпер жыве Пабла Гансалес — агент ГРУ, які вярнуўся ў Расію пасля абмену2

У закрытым пасёлку на Мінскім моры купілі дом за мільён даляраў. І гэта ўжо не першы раз1

Новай прэм’еркай Літвы мае стаць 44-гадовая прафсаюзніца3

больш чытаных навін
больш лайканых навін

На канверце Ціханоўскай напісана «Медведю О.В.» Што гэта за чалавек?23

На канверце Ціханоўскай напісана «Медведю О.В.» Што гэта за чалавек?

Галоўнае
Усе навіны →

Заўвага:

 

 

 

 

Закрыць Паведаміць