Карпенка: Ёсць чатыры магчымыя даты правядзення прэзідэнцкіх выбараў у Беларусі
ЦВК гатовы да любой даты.
Ёсць чатыры магчымыя даты правядзення прэзідэнцкіх выбараў у Беларусі ў 2025 годзе. Пра гэта пасля нарады ў Лукашэнкі заявіў журналістам старшыня ЦВК Беларусі Ігар Карпенка, піша БелТА.
«У адпаведнасці з заканадаўствам гэтыя выбары павінны прайсці не пазней за 20 ліпеня 2025 года. Разам з тым дэпутацкі корпус прымае рашэнні — Палата прадстаўнікоў Нацыянальнага сходу. Мы пасля адкрыцця сесіі 17 верасня з дэпутатамі правядзем шэраг кансультацый. Не буду хаваць, называюцца чатыры даты магчымага правядзення выбараў прэзідэнта. Але для таго каб іх агучваць, трэба правесці кансультацыі. І зразумела, што рашэнне будзе прымаць Палата прадстаўнікоў на сваім пасяджэнні», — сказаў кіраўнік ЦВК.
Ігар Карпенка заявіў, што ЦВК гатовы да любой з прапанаваных дат, якія агучваліся для правядзення выбараў.
«Мы ўжо падрыхтавалі адпаведныя метадычныя рэкамендацыі, інфармацыйную базу. Цяпер адпрацоўваем візуальную канцэпцыю магчымага афармлення да выбараў участкаў, плакатаў — усяго таго інфармацыйнага антуражу, які мы звычайна ўжываем да выбараў», — дадаў старшыня ЦВК.
Нагадаем, што Белпол са спасылкай на свае крыніцы сцвярджае, што прэзідэнцкія выбары пройдуць 23 лютага 2025 года.
Цяпер чытаюць
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію12
Адміністратарка «Штаба Аношак» валодае беларускай кампаніяй, датычнай да паставак санкцыйных паўправаднікоў у ваюючую Расію
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары