Польскі суд завочна арыштаваў трох беларускіх функцыянераў па справе аб рэйсе Ryanair
Акруговы суд у Варшаве завочна арыштаваў трох грамадзян Беларусі па справе аб рэйсе Ryanair Афіны — Вільня, які быў пасаджаны ў Беларусі 23 мая 2021 года пад падставай наяўнасці выбуховага прыстасавання. Тады былі затрыманыя Раман Пратасевіч і Сафія Сапега.
Пастанова аб завочным арышце была прынятая 4 верасня. Яна тычыцца былога дырэктара «Белаэранавігацыі» Леаніда Чуро, начальніка змены кантролю Яўгена Цыганова, а таксама неназванага афіцэра КДБ высокага рангу, піша Reform.news.
Нацыянальнай пракуратурай прад'яўлена абвінавачанне ў акце тэрору: узяцце падманам пад кантроль самалёта Ryanair (арт. 166 КК Польшчы) і незаконнае пазбаўленне волі пасажыраў і членаў экіпажа (арт.180 КК Польшчы).
У публікацыі гаворыцца, што ўстанавіць абставіны пасадкі самалёта дапамог 42-гадовы дыспетчар, якія ўцёк у Польшчу з каштоўнымі доказамі, у тым ліку запісамі з Цэнтра кантролю за палётамі, зробленымі на тэлефон. Следства на працягу трох гадоў вяла Нацыянальная пракуратура і Агенцтва ўнутранай бяспекі.
У канцы 2021 года ў New York Times з'явіўся артыкул пра авіядыспетчара Алега Галегава, які пакінуў Беларусь і даў паказанні па справе аб самалёце Ryanair. Пасля гэтага Нацыянальная пракуратура Польшчы апублікавала прэс-рэліз, у якім гаварылася, што выяўлены непасрэдны сведка ўсіх падзей. Пракуроры тады паведамілі, што прыйшлі да высновы, што 23 мая 2021 года ў дыспетчарскай у аэрапорце «Мінск» знаходзіўся супрацоўнік КДБ Беларусі, які і прыняў рашэнне аб пасадцы самалёта ў Мінску. Паведамляецца, што ён пры гэтым быў на сувязі з яшчэ адным чалавекам, якому дакладваў аб усіх дзеяннях. У рэчаіснасці небяспека рэйсу не пагражала.
Пазней Станіслаў Жарын, які на той момант займаў пасаду прэс-сакратара міністра — каардынатара спецыяльных службаў Польшчы, апублікаваў прэзентацыю пра польскае расследаванне інцыдэнту.
Тады ў сувязі з пасадкай самалёта было названа імя кіраўніка Белаэранавігацыі Леаніда Чуро. Паводле версіі польскага боку, Чуро прыйшоў у залу кантролю з супрацоўнікам спецслужбаў і пакінуў яго. Супрацоўнік спецслужбы праінфармаваў дыспетчараў, што на борце самалёта Ryanair знаходзіцца бомба і ён павінен сесці ў Мінску.
-
Музыканты выдаляюць сваю музыку са Spotify, бо ён спансіруе кампанію, якая вырабляе тысячы дронаў для Украіны
-
У Беларусі сёлета няма чарніц. Калі летась нарыхтоўшчыкі прынялі дзясяткі тон ягады, то сёлета — нічога
-
Стала вядома імя яшчэ аднаго агента КДБ, які можа быць датычным да знікнення Мельнікавай
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі31
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4343
Каментары