Асуджаны за шпіянаж амерыканец Пол Уілан таксама знік з расійскай калоніі
Адвакат асуджанага за шпіянаж амерыканца Пола Уілана Вольга Карлава не ведае, дзе ён знаходзіцца, паведаміла яна інфармагенцтвам.
Карлава распавяла, што да яе паступаюць запыты ад журналістаў з розных міжнародных агенцтваў з просьбай патлумачыць, ці вядома ёй месцазнаходжанне Пола, паколькі ідуць чуткі аб магчымым абмене.
«Я накіравала запыт у адміністрацыю калоніі, але мне не адказваюць», — сказала Карлава.
Былога марпеха Пола Уілана асудзілі ў 2020 годзе за шпіянаж і прысудзілі да 16 гадоў калоніі. Тэрмін ён адбывае ў ВК-17 у Мардовіі.
Учора стала вядома пра знікненне ў Расіі многіх статусных палітвязняў — 19-гадовага Кевіна Ліка, абвінавачанага ў дзяржздрадзе, палітыка Іллі Яшына, праваабаронцы Алега Арлова, экс-кіраўніц штабоў Навальнага ва Уфе і Томску Ліліі Чанышавай і Ксеніі Фадзеевай, а таксама мастачкі Сашы Скачыленкі. Яе бацькам сказалі, што дзяўчыну вязуць у Маскву. Эксперты дапускаюць магчымасць абмену.
Да таго ж Аляксандр Лукашэнка 30 ліпеня памілаваў Рыка Крыгера, які таксама можа ўвайсці ў «абменны фонд».
«10 дзён адкормлівалі ў катэджы пад Мінскам». Украінка, якую абмянялі на расійскіх палонных, расказала, як гэта было
Лукашэнка хацеў размовы з Шольцам?
У Расіі з калоній зніклі некалькі статусных палітвязняў. Рыхтуецца вялікі абмен?
Урад ФРГ не каментуе магчымы абмен Крыгера. Ён выказаў занепакоенасць фільмам БТ
«Мае спінагрызы са мной». Ціханоўская расказала, што ўжо выбірае для дзяцей школу ў Варшаве12
Каментары