Спорт1919

Верым у Змушку! Хто тая плыўчыха, якая сёння можа прынесці медаль Беларусі

Плыўчыха Аліна Змушка сёння ў 22:25 змагаецца за алімпійскі медаль — дзяўчына выйшла ў фінал спаборніцтваў па брасе на 100 метрах. Расказваем пра адну з нешматлікіх беларускіх надзей у Парыжы.

Фота: alina_zmushko / Instagram

Аліне 27 гадоў, яна родам з Калінкавічаў. Брас для яе — больш, чым родны стыль: брасам плавала яе маці, ды і сама дзяўчына перайшла на яго яшчэ ў дзяцінстве. Старэйшая сястра Аліны таксама ў свой час пайшла ў плаванне.

«Мой любімы брас лічыцца відам асаблівым. Мы плывучыя як жабы, такія ж слізкія і гнуткія, як яны», — апісвае Аліна свой стыль.

Большасць сваіх медалёў Аліна ўзяла на стамятроўцы брасам — якраз тая дыстанцыя, на якую яна выйдзе сёння ўвечары: Змушка шматразовая чэмпіёнка краіны, бронзавая прызёрка этапаў Кубку свету. Беларуска выступала і на мінулай летняй Алімпіядзе ў Токіа, але не прабілася далей за папярэднія заплывы: на стамятроўцы яна стала 21-й, на 200 метрах — ажно 26-й. А вось цяпер яна прайшла ў алімпійскі фінал, ды яшчэ з асабістым і нацыянальным рэкордамі.

Сёлетнія беларускія алімпійцы праходзілі праверку на нейтральнасць у дачыненні да падтрымкі нападу на Украіну. Аліна яе прайшла, але ж з гэтым не пагадзіліся праваабарончыя арганізацыі Global Rights Compliance. У дзяўчыны знайшлі лайк, пастаўлены пад допісам расійскай актрысы Ганны Хількевіч. У сакавіку 2022-га Хількевіч пісала, што «настае новы час», і гэта «час сілы і новых магчымасцяў», калі «нашаму прэзідэнту [Уладзіміру Пуціну] асабліва патрэбная падтрымка».

Аліна мае дыплом спартыўнага псіхолага: хацелася папрацаваць са сваім псіхалагічным станам, ды заадно вырашыла атрымаць адпаведную адукацыю. Вучыцца давялося на дзённым аддзяленні, бо завочкі на той спецыяльнасці няма. А паралельна Аліна яшчэ і працавала, і адпрацоўвала на сабе псіхалагічныя методыкі. 

Фота: alina_zmushko / Instagram

Гэта ўпэўненая ў сябе дзяўчына — вось як яна разважае пра сваю знешнасць:

«У плыўчых цудоўная фігура. Я ў гэтым упэўненая, а як лічаць іншыя, мне нецікава. У мяне прыгожыя ногі, прыгожыя плечы. Так, яны трохі шырэйшыя, чым у іншых дзяўчат, але гэта не праблема. Мае плечы не перашкодзілі мне выбраць ідэальную вясельную сукенку, не перашкаджаюць выбіраць прыгожае адзенне».

У 2023-м Аліна выйшла замуж. Расказвае, што пасля роспісу, з макіяжам і ў прыгожай сукенцы, паехала трэніравацца ў басейн. Атрымалася прадуктыўна — дапамагла эйфарыя ад шчаслівага дня.

Фота: alina_zmushko / Instagram

Абраннік Аліны — беларускі плывец Руслан Скамарошка. Хлопец, у адрозненне ад жонкі, не можа пахваліцца высокімі міжнароднымі вынікамі. Мяркуючы па яго інстаграме, некалькі гадоў таму Руслан эксперыментаваў з анлайн-інвестыцыямі, але ў апошні час ён публікуе здымкі на тэму плавання і фоты з Алінай.

Фота: skomor_vr / Instagram

«Наша Нiва» — бастыён беларушчыны

ПАДТРЫМАЦЬ

Каментары19

  • Лоурэнс
    29.07.2024
    Коротконогая. Ничего у нее не получится. И вообще усатые спортсмены пусть в дроздах плавают на радость Умке.
  • Міколка Паравоз
    29.07.2024
    Яна выступае за самую сябе, а не за Беларусь. Белы сцяг - добрая адзнака для такіх вось ні за вашых ні за нашых, бяз роду і племені "беларускіх" спартоўцаў.
  • Улад
    29.07.2024
    Лоурэнс, Я ня згодзен з Вамі. Дзяўчына прывабная, і ногі норм :)

Цяпер чытаюць

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы

Усе навіны →
Усе навіны

Квіткі на цягнікі будуць каштаваць даражэй

Кубракоў загадаў пакараць нейкіх блатных за старыя парушэнні ПДР5

«Флагшток» абверг інфармацыю пра смерць трэцяга работніка «Беларуснафты» ад удару токам

Сілавікі заклікаюць людзей слаць ім інфармацыю ў чат-бот6

Дзяўчына зняла на відэа густы белы дым над Мінскам. Што гэта было?1

Дачка Стыва Джобса выйшла замуж за конніка. На вяселлі спяваў Элтан Джон

У Магілёве плануюць аднавіць Свята-Траецкую царкву3

Свіслач у Мінску заліло нафтапрадуктамі1

Пачынае працаваць сістэма спрошчанага спагнання штрафаў5

больш чытаных навін
больш лайканых навін

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы

Даныя пакупнікоў упрыгожанняў Belaruskicry маглі трапіць у рукі сілавікоў. ГУБАЗіК пагражае крыміналкай за новыя заказы

Галоўнае
Усе навіны →

Заўвага:

 

 

 

 

Закрыць Паведаміць